Pra heta paviedamiŭ na pres‑kanfierencyi 12 kastryčnika ŭ Minsku namieśnik staršyni kancerna «Biełbijafarm» Piotr Mandrukievič.
Adno pradpryjemstva budzie pabudavana ŭ Łahojsku, dva — u Viciebsku. «Biełmiedpreparaty» ŭźviaduć novy zavod na placoŭcy zavoda «Intehrał» u stalicy.
Na bazie UP «Dyjalek» u Minsku rasijski biźniesmien Uładzimir Bryncałaŭ taksama buduje novy zavod na płoščy 6 tys. kv. mietraŭ. «Jon zakupiŭ abstalavańnie na 30 młn. dołaraŭ», — adznačyŭ Mandrukievič.
«Kali Bryncałaŭ pryjšoŭ na biełaruski rynak, my jamu adrazu skazali nie vypuskać ničoha, što vypuskajuć našy zavody (kala 600 najmieńniaŭ). Jon skłaŭ prahramu, uzhadniŭ z kancernam, i siońnia idzie rehistracyja kala 150—200 najmieńniaŭ lekavych srodkaŭ. Zavod Bryncałava budzie vypuskać novyja preparaty na vytvorčaści, jakaja adpaviadaje patrabavańniam GMP», — skazaŭ namieśnik staršyni kancerna «Biełbijafarm».
Akramia taho, paviedamiŭ jon, «techničnaje pieraŭzbrajeńnie idzie na kožnym pradpryjemstvie».
Mandrukievič paviedamiŭ, što na bazie Niaśvižskaha zavoda miedycynskich preparataŭ budzie stvaracca vytvorčaść bakkancentrataŭ dla małočnaj pramysłovaści. «Takoj vytvorčaści niama ni ŭ Rasii, ni va Ukrainie. Siońnia hetaja pradukcyja zakuplajecca pa imparcie. Zavod budzie adychodzić ad vytvorčaści monapradukcyi. Ciapier pradpryjemstva vypuskaje infuzijnyja leki», — adznačyŭ namieśnik kiraŭnika kancerna «Biełbijafarm».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary