Pra heta paviedamiła namieśnik staršyni hramadskaha abjadnańnia «Biełaruski sajuz žančyn» Rehina Davidovič 12 kastryčnika na pres‑kanfierencyi ŭ Minsku.
Jana adznačyła, što pa inicyjatyvie Biełaruskaha sajuza žančyn prapanova ab zasnavańni Dnia baćki ŭklučana ŭ treci Nacyjanalny płan dziejańniaŭ pa zabieśpiačeńni hiendernaj roŭnaści na 2008—2010 hady. Zaraz jana razhladajecca zacikaŭlenymi ministerstvami.
Jak paviedamiła načalnik adździeła siamiejnaj i hiendernaj palityki Ministerstva pracy i sacyjalnaj abarony Maryna Arciomienka, adnosiny da ŭstanaŭleńnia hetaha śviata ŭ hramadstvie pakul «davoli nieadnaznačnyja». Adnak, na dumku śpiecyjalista, siońnia nieabchodna pavyšać prestyž sacyjalnaj roli baćki.
Udzieł baćki jak u vychavańni, tak i sacyjalizacyi dziaciej značna źniziŭsia ŭ apošnija hady, adznačyła jana. Akramia taho, chacia zhodna z pracoŭnym zakanadaŭstvam usie lhoty, jakija dajucca maci, raspaŭsiudžvajucca i na baćkoŭ, apošnija vielmi redka imi karystajucca. Tak, naprykład, adpačynak pa dohladzie za dziciem da troch hadoŭ biare tolki 1% baćkoŭ.
Pavodle słoŭ Arciomienki, siońnia ŭ Biełarusi pačynajuć realizoŭvacca prajekty, nakiravanyja na pavyšeńnie roli baćki ŭ siamji. Naprykład, u terytaryjalnych centrach sacyjalnaha absłuhoŭvańnia siamji i dziaciej stvarajucca tak zvanyja «tata‑škoły». Na zaniatkach baćkam raskazvajuć pra toje, što treba viedać pra dzicia i jak ź im abychodzicca. Žanočy instytut «Enviła» sumiesna z šeraham inšych arhanizacyj pracuje nad prajektam «Śviadomaje baćkoŭstva».
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20262
Kamientary