Na naradzie pa refarmavańni sistemy dziaržaŭnaha kantrolu nie abyšłosia biez spasyłak na adpaviednaść patrabavańniam mižnarodnych arhanizacyj.
Na naradzie pa refarmavańni sistemy dziaržaŭnaha kantrolu nie abyšłosia biez spasyłak na adpaviednaść patrabavańniam mižnarodnych arhanizacyj.
Alaksandr Łukašenka zapatrabavaŭ stvareńnia pryncypova novaj sistemy ažyćciaŭleńnia kantrolnaj dziejnaści i farmavańnia hnutkaha, prazrystaha i nie abciažarvajučaha biźnies miechanizma kantrolu. Ab hetym jon zajaviŭ na naradzie pa ŭdaskanaleńni kantrolnaj (nahladnaj) dziejnaści ŭ krainie.
Łukašenka padkreśliŭ, što prajekt ukaza «Ab udaskanaleńni kantrolnaj (nahladnaj) dziejnaści ŭ Respublicy Biełaruś» pavinien, z adnaho boku, zabiaśpiečyć skaračeńnie kolkaści nieabhruntavanych pravierak, stvarajučy dla dobrasumlennych subjektaŭ režym najbolšaha spryjańnia. Z druhoha boku, dakumient nie pavinien stvarać niepieraadolnych pieraškod dla paŭnacennaj kantrolnaj dziejnaści, bo za hetym staić ekanamičnaja biaśpieka dziaržavy.
Prajekt ukaza da hetaha byŭ abmierkavany na sumiesnym pasiadžeńni Prezidyuma Savieta ministraŭ, kalehii Administracyi prezidenta i Kamiteta dziaržkantrolu z udziełam staršyń abłvykankamaŭ i Minharvykankama. Pa im jość zaŭvahi Nacyjanalnaha banka i Kamiteta dziaržaŭnaha kantrolu.
Nacbank prapanavaŭ nie raspaŭsiudžvać dziejańnie ŭkaza na pravierki, što pravodziacca ŭ ramkach bankaŭskaha nadzora. Na dumku Piatra Prakapoviča, heta źviazana z pytańniem niezaležnaści Nacbanka, što źjaŭlajecca niemałavažnaj umovaj u pracy ź Mižnarodnym valutnym fondam, Suśvietnym bankam. Łukašenka nie pahadziŭsia: «Usio, što prapisana ŭ zahadzie adnosna bankaŭ,
Zachad pavinien padtrymać, bo my sprabujem tut nie kiravać bankami, a źbierahčy bankaŭskuju sistemu, u tym liku i tyja hrošy, jakija nam vydatkoŭvajuć».
«Viadoma, nie musić być rašeńniaŭ, jakija b paharšali imidž krainy pierad mižnarodnymi arhanizacyjami. Ale kali ŭ našych dakumientach praduhledžanyja normy, pavodle jakich kantrol za bankaŭskaj dziejnaściu ažyćciaŭlajecca nie dziela cisku na banki, a dla taho, kab banki byli niezaležnyja i funkcyjanavali na samym vysokim uzroŭni, heta treba pakazvać pradstaŭnikam mižnarodnych arhanizacyj», - adznačyŭ kiraŭnik dziaržavy.
Mižnarodnyja finansavyja instytuty musiać być painfarmavanyja pra novuju sistemu kantrola.Łukašenka vykazaŭ upeŭnienaść, što ŭ hetym vypadku pazicyja biełaruskaha boku budzie zrazumietaja i pryniataja.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary