Łukašenka refarmuje sistemu kantrolnaj dziejnaści

Kamitetu dziaržkantrolu zahadana zajmacca pytańniami ŭłasnaści i raschodavańniem metavych biudžetnych srodkaŭ.

U Biełarusi stvarajecca pryncypova novaja sistema ažyćciaŭleńnia kantrolnaj dziejnaści. Alaksandr Łukašenka 12 kastryčnika pravioŭ naradu pa hetym pytańni.

Prajekt ukaza ab kantrolnaj dziejnaści paklikany zabiaśpiečyć istotnaje skaračeńnie kolkaści pravierak i stvaryć takuju sistemu kantrolu, jakaja nie dušyła b biznes.

«Razmova idzie ab naviadzieńni paradku ŭ śfiery dziaržaŭnaha kantrolu i nahladu, ab radykalnym źmianieńni situacyi ŭ hetaj halinie», ‑‑ skazaŭ A.Łukašenka.

Alaksandr Łukašenka nahadaŭ, što jašče ŭ jaho pieradvybarnaj prahramie była abaznačana nieabchodnaść źmiaścić akcenty z administracyjnych mietadaŭ sucelnaha kantrolu na ekanamičnyja miery rehulavańnia dla stvareńnia spryjalnych umoŭ haspadarańnia ŭ Biełarusi.

«Heta tema nakolki važnaja, nastolki i składanaja ŭ rehulavańni. Jana zakranaje śpiektr roznych intaresaŭ. Pa‑pieršaje, biźnies‑supolnaść, pakolki akazvaje niepasredny ŭpłyŭ na raźvićcio dziełavoj inicyjatyvy. Pa‑druhoje, dziaržavu, dla jakoj pravierki źjaŭlajucca asnoŭnaj formaj zabieśpiačeńnia pravaparadku ŭ ekanamičnaj dziejnaści. I, narešcie, vielmi ciesna źviazana z prablemaj karupcyi ‑‑ moža jak pravakavać jaje, tak i spyniać», — padkreśliŭ kiraŭnik dziaržavy.

Prajekt ukaza bolš jak paŭhoda raspracoŭvaŭsia ŭradam i kantralujučymi orhanami, ale jak padkreśliŭ A.Łukašenka, «na vychadzie akazaŭsia nikudyšnim, absalutna nie adpaviednym pastaŭlenym zadačam». Administracyi Prezidenta było daručana kardynalna dapracavać

Alaksandr Łukašenka skazaŭ: «Novy prajekt ukaza pavinien zabiaśpiečyć mienavita značnaje skaračeńnie kolkaści pravierak».

Tak, naprykład, u minułym hodzie było praviedziena bolš za 95 tys. pravierak. Heta značyć kožny treci subjekt haspadarańnia ŭ Biełarusi prajšoŭ praz hetu praceduru. U hetych mierapryjemstvach było zadziejničana 28 tys. praviarajučych.

Kiraŭnik dziaržavy padkreśliŭ, što «niama čaho naohuł praviarać, kali niama arhumientavanych pretenzij». Alaksandr Łukašenka padkreśliŭ, što Kamitet dziaržkantrolu, pa‑pieršaje, pavinien zajmacca pytańniami ŭłasnaści, a pa‑druhoje, dakładna sačyć za raschodavańniem, pierš za ŭsio metavych biudžetnych srodkaŭ.

Raspracavany prajekt ukaza rehłamientuje adziny paradak ažyćciaŭleńnia kantrolnaj i nahladnaj dziejnaści ŭ Biełarusi. Dakumient stvaraje pryncypova novuju sistemu ažyćciaŭleńnia takoj dziejnaści, farmiruje hnutki i prazrysty miechanizm kantrolu. Jon źmiaščaje pieralik usich kantralujučych orhanaŭ, praduhledžvaje adziny paradak i terminy pravierak, zabaronu na praviadzieńnie lubych pravierak na praciahu dvuch pieršych hadoŭ raboty navastvoranych subjektaŭ haspadarańnia (u vyklučnych vypadkach dapuskajucca pazapłanavyja pravierki), ažyćciaŭleńnie płanavych pravierak u zaležnaści ad hrup ryzyki (usiaho try hrupy), na jakija buduć padzieleny subjekty haspadarańnia, i inšyja novaŭviadzieńni.

Namieśnik premjer‑ministra Biełarusi Andrej Kabiakoŭ paviedamiŭ, što pa asobnych pytańniach jość razychodžańni z prapanovami Nacyjanalnaha banka i Kamiteta dziaržkantrolu.

U pryvatnaści, Nacyjanalny bank prapanavaŭ nie raspaŭsiudžvać pałažeńni prajekta ŭkaza na pravierki, što pravodziacca ŭ ramkach bankaŭskaha nahladu. Na dumku staršyni praŭleńnia Nacbanka Piatra Prakapoviča, heta niepasredna źviazana z pytańniem niezaležnaści Nacyjanalnaha banka, što źjaŭlajecca niemałavažnaj umovaj u rabocie ź Mižnarodnym valutnym fondam, Suśvietnym bankam. Adnak u prajekcie ŭkaza ŭ poŭnaj miery ŭličana śpiecyfika ažyćciaŭleńnia funkcyj bankaŭskaha nahladu. Usie normy, jakija datyčacca kantrolu bankaŭ, vykładzieny ŭ redakcyi Nacyjanalnaha banka.

Alaksandr Łukašenka nie zhadziŭsia z prapanovaj Nacbanka.

Mižnarodnyja finansavyja instytuty pavinny być prainfarmavany ab novaj sistemie kantrolu. A.Łukašenka upeŭnieny, što ŭ hetym vypadku pazicyja biełaruskaha boku budzie pryniataja.

Kiraŭniki šeraha bankaŭ, jakija prysutničali na naradzie, adobryli prajekt ukaza. U pryvatnaści, staršynia praŭleńnia AAT «Biełahraprambank» Siarhiej Rumas adznačyŭ, što ŭ hetym dakumiencie «ŭpieršyniu prapisany pravy praviaranych», — skazaŭ jon.

• 0
• 0
• 0
• 0
• 0
• 0
• 0
• 0