Cichanoŭskaja: Novy «ministr finansaŭ» Kabinieta moža być niepubličnym
Padčas pres-kanfierencyi ŭ Varšavie 2 śniežnia Śviatłana Cichanoŭskaja raskazała pra płany Abjadnanaha pierachodnaha kabinieta.
![](http://nashaniva.com/img/w732d4webp1/photos/stock/sakhashchyk-3d6g7.jpg.webp)
Paśla sychodu pradprymalnicy Taćciany Zareckaj Kabiniet nie vyklučaje, što novy «ministr finansaŭ» moža być niepubličnaj piersonaj.
«My miarkujem, što hetu funkcyju treba zrabić niepubličnaj nie dla taho, kab być zakrytymi, a dla taho, kab nie viałasia niejkaja ataka z boku režymu na hetaha čałavieka», — patłumačyła Cichanoŭskaja takuju pazicyju.
«Šerah ludziej nie staić, chto chacieŭ by pracavać, bo razumiejuć ryzyki», — dadała jana.
Jana adznačyła, što ŭ budučym jany płanujuć raździalać funkcyi pradstaŭnikoŭ pa ekanomicy i pa finansach. Zadačaj apošniaha budzie dapamoha Kabinietu isnavać materyjalna, šukać dapamohu ad biznesaŭ, instytucyjanalnych arhanizacyj.
Taksama Cichanoŭskaja skazała, što jany šukajuć pradstaŭnika pa sacyjalnych pytańniach — kab zajmaŭsia pytańniami dapamohi palitviaźniam, jakija vyzvalilisia.
Ci budzie pracavać Kabiniet praz 6 miesiacaŭ? Cichanoŭskaja skazała, što zaležyć ad vynikaŭ jaho pracy.
«U nas byli taki płany: Kaardynacyjnaja rada pavinna razhledzieć, jak pracavaŭ Kabiniet, i zaćvierdzić pracaŭnikoŭ Kabinieta ci vykazać niezadavalnieńnie. I heta budzie kalektyŭny orhan, jaki budzie ŭpłyvać na stan Kabinieta».
Praŭda, da kanca nie zrazumieła, u jakim stanie ciapier Kaardynacyjnaja rada, jakaja płanavała refarmavacca.
Kamientary