Hramadstva

Pačynajecca jašče adzin praces nad «rejkavymi partyzanami». Na hety raz — u Homieli

U Homielskim abłasnym sudzie na 6 śniežnia pryznačanaja data razhladu kryminalnaj spravy ŭ dačynieńni da dvuch žycharoŭ Mazyra: 34-hadovaha Siarhieja Pleškuna i 45-hadovaha Juryja Sielviča, paviedamlaje «Viasna».

Siarhiej Plaškun i Juryj Sielvič

Spravu budzie razhladać sudździa Aleh Charoška.

Palitviaźni Siarhiej Plaškun i Juryj Sielvič paznajomilisia adno z adnym u 2020 hodzie padčas paślavybarčych pratestaŭ. Pra ich zatrymańnie stała viadoma 10 sakavika 2022 hoda. Jak ličyć śledstva, padčas akcyj pratestu ŭ 2020 hodzie jany vychodzili na darohu z bčb-ściaham i błakavali transpart na centralnych vulicach Minska.

Kančatkovaje abvinavačańnie mazyranam vystaŭlenaje pa siami artykułach Kryminalnaha kodeksa:

  • č. 2 art. 295-3 — niezakonnyja dziejańni ŭ dačynieńni da pradmietaŭ, dziejańnie jakich zasnavanaje na vykarystańni haručych rečyvaŭ;
  • č. 2 art. 289 — akt teraryzmu;
  • č. 1 art. 342 — arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich;
  • č. 4 art. 309 — naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin;
  • art. 341 — apahańvańnie zbudavańniaŭ i psavańnie majomaści;
  • č. 1 art. 130 — raspalvańnie inšaj sacyjalnaj varožaści abo varažniečy;
  • č. 1 art. 361 — sadziejničańnie ekstremisckaj dziejnaści.

Zhodna z materyjałami spravy, u pieryjad sa žniŭnia 2020 hoda pa luty 2022 hoda Plaškun i Sielvič nabyli kampanienty dla vyrabu «kaktejlaŭ Mołatava» i piratechničny vyrab, jakija zachoŭvali i pieravozili ŭ roznych transpartnych srodkach i miescach z metaj ich nastupnaha vykarystańnia pry ździajśnieńni akta teraryzmu, napadzie na budynki, ustanovy, transpartnyja srodki, a taksama na supracoŭnikaŭ pravaachoŭnych orhanaŭ.

Akramia hetaha, Plaškun nibyta sam vyrabiŭ «kaktejli Mołatava» i sumiesna ź Sielvičam padrychtavaŭsia da naŭmysnaha pryviadzieńnia ŭ nieprydatnaść transpartnych srodkaŭ i šlachoŭ znosin, što mahło paciahnuć śmierć čałavieka, krušeńnie abo avaryju.

U praciah svaich dziejańniaŭ Plaškun, jak śćviardžaje śledstva, vykarystoŭvajučy Telegram-kanał, pryznany ekstremisckim farmiravańniem, raźmiaściŭ videafajł z kamientarami pra datu i čas pieramiaščeńnia vajennaj techniki, vajenizavanych padraździaleńniaŭ i vajskoŭcaŭ z metaj ažyćciaŭleńnia ekstremisckaj dziejnaści. Paśla čaho padjechaŭ da adnaho z pradpryjemstvaŭ Mazyrskaha rajona i darožnaha znaka, dzie nanios farbaj na płot i znak cyničnyja malunki i nadpisy, u jakich daŭ niehatyŭnuju acenku žycharam zamiežnaj dziaržavy, paviedamlaje Hienieralnaja prakuratura.

Ź videasiužeta BT vynikaje, što sačyli za mužčynami pilna: pakazali kadry sa schavanaj kamiery ŭ haražy, dzie mužčyny abmiarkoŭvajuć svaje płany. Na zapisie jany kažuć ab pierśpiektyvach paškodžańnia rejek.

Sudovy praces budzie prachodzić u zakrytym režymie.

Kamientary

Pasoł Sidarenka pakončyŭ z saboj, nie vytrymaŭ dopytaŭ KDB

Pasoł Sidarenka pakončyŭ z saboj, nie vytrymaŭ dopytaŭ KDB

Usie naviny →
Usie naviny

Ci stała bolej paśla karanavirusa sardečna-sasudzistych zachvorvańniaŭ? Voś što zaŭvažyli biełaruskija daktary2

Skandał u Kyrhyzstanie z-za zaručyn plamieńnicy prezidenta Žaparava. Tamu pryjšłosia vybačacca3

Mis Biełaruś nazvała hańbaj, što nie adkazała na pytańnie pra aŭtara «Paŭlinki»12

Z-błohier pachvaliŭsia, što ŭ Biardziansku «adpraviŭ na padvał» dziaŭčynu za toje, što jana havaryła ź im pa-ŭkrainsku14

Za danaty buduć sudzić adnaho z najlepšych trejłranieraŭ Biełarusi1

Samy vysoki budynak Minska dasiahnuŭ 42 paviercha4

Palitźniavolenaja dyrektarka vilenskaj drukarni Alesia Bunievič vyjechała ź Biełarusi i ŭźjadnałasia ź siamjoj FOTAFAKT1

Asanž zaklučyŭ ździełku z uładami ZŠA i byŭ vyzvaleny1

Były amierykanski pasoł raspavioŭ, jak Isłam Karymaŭ kinuŭ tapak u svaju dačku Hulnaru5

bolš čytanych navin
bolš łajkanych navin

Pasoł Sidarenka pakončyŭ z saboj, nie vytrymaŭ dopytaŭ KDB

Pasoł Sidarenka pakončyŭ z saboj, nie vytrymaŭ dopytaŭ KDB

Hałoŭnaje
Usie naviny →