Zły los. Novy dom Romy Kahadoŭskaha, jaki vyratavaŭ brata z pažaru, taksama zhareŭ
U siamji Romy Kahadoŭskaha, jaki paŭtara hoda tamu vyratavaŭ na pažary maleńkaha brata, znoŭ biada. Novy dom, u jaki jany pavinny byli voś-voś pierajechać, zhareŭ. Pra heta «Zierkału» paviedamili znajomyja siamji.
28 krasavika 2021 hoda ŭ šmatdzietnaj siamji Maryi i Alaksieja ź vioski Sidarovičy Miadzielskaha rajona zdaryłasia biada. Uviečary, kali tata pajechaŭ u susiedni pasiołak, kab sustreć mamu z pracy, u ich domie adbyŭsia pažar. U hety čas tam znachodziłasia dvoje chłopčykaŭ: 12-hadovy Roma i Vania, jakomu na toj momant byŭ hod i čatyry miesiacy. Ratujučysia ad ahniu, starejšy brat raźbiŭ u adnym z pakojaŭ akno i vynies małoha. Z Vaniem usio dobra, a Roma atrymaŭ apioki bolš za 65% cieła.
Lačeńnie Romy było vielmi doŭhim i składanym: chłopčyk pieranios 22 apieracyi i tolki ŭ žniŭni zmoh znoŭ pačać havaryć. Napieradzie ŭ jaho mnostva płastyčnych apieracyj. U listapadzie 2021-ha jaho ŭznaharodzili ordenam «Za asabistuju mužnaść». Ciapier jon vučycca ŭ licei MUS.
Paśla trahiedyi siamji advažnaha chłopčyka časova vydzielili dom u pasiołku Zanarač Miadzielskaha rajona. Tut ža siamja stała budavać svajo žyllo.
Da śniežnia 2022-ha dom byŭ hatovy. U bližejšyja dni Maryja z Alaksiejem i dziećmi źbiralisia spraŭlać navasielle. Ale ŭ subotu, 3 śniežnia, u ich zdaryłasia novaja biada.
— U novy dom jany źbiralisia ŭjazdžać byccam by ŭ niadzielu ci ŭ paniadziełak, — raspavioŭ znajomy siamji. — U subotu Maša tam prybirałasia, a Loša darablaŭ niejkija drobiazi pa ramoncie. Uviečary, kab krychu pieradychnuć i znoŭ viarnucca da spraŭ, jany nienadoŭha adskočyli da mamy Lošy na harbatu — jana žyvie pobač. Prajšło trochi času, prybieh susied: «Dom haryć!» Nichto ničoha nie zrazumieŭ, jaki dom. «Vaš novy dom», — skazaŭ jon.
Pa słovach znajomaha, kali Maryja i Alaksiej vyjšli na vulicu, ubačyli, što ich pabudova pałaje.
— Zhareła amal usio. Acaleŭ tolki Romaŭ pakoj, — praciahvaje surazmoŭca. — Siamja šakavanaja, takoje hora. Słava bohu, choć unutry nikoha nie było. Nichto nie razumieje, jak takoje mahło zdarycca druhi raz. Jany tak staralisia, budavali hety dom. Ukłali ŭsie źbieražeńni. Uziali kredyt na 20 hadoŭ, niby z subsidyjaj, jak šmatdzietnyja. Loša hety hod z budoŭli, ličy, nie vychodziŭ. Šmat čaho zrabiŭ svaimi rukami. Niejki zły rok … Jašče i dziadula ŭ ich niadaŭna pamior.
Pryčyna pažaru vyśviatlajecca.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha148
Kamientary
Heta čyjości praklaćcie, jakoje źniać moža tolki ekzarcyst. Ale siamja, padobna, nia vierujučaja...
A za to ,čto dieti postradali roditielam by otvietiť.
A to u mienia małoj nieudačno upał s divana v tri hoda ,tak pośle obraŝienija v travmopunkt s šiškoj ,učastkovyj prichodił raza tri, vsie vyjaśniał i pisał.
U vas odna, u druhich - vtoraja, trieťja, čietviertaja...