Łabavoje sutyknieńnie na trasie pad Mazyrom stała pryčynaj hibieli dvuch čałaviek
Avaryja adbyłasia ŭ subotu 10 śniežnia kala 11:00 na 11-m kiłamietry darohi R-37 «Michałki — Naroŭla — miaža Ukrainy (Alaksandraŭka)». Jak paviedamili ŭ MUS, 30-hadovy kiroŭca Volkswagen Polo pamior na miescy, 50-hadovy mužčyna, jaki znachodziŭsia na pasažyrskim siadzieńni Jetta, pamior u mašynie chutkaj dapamohi.
Akramia zahinułych, u avaryi paciarpieli jašče dva čałavieki, jakich dastavili ŭ balnicu. Heta 50-hadovy kiroŭca Jetta i 62-hadovaja pasažyrka Polo.
Pavodle papiarednich źviestak, 32-hadovy mazyranin, kirujučy aŭtamabilem Volkswagen Polo, nie spraviŭsia z kiravańniem i vyjechaŭ na pałasu sustrečnaha ruchu, dzie sutyknuŭsia z sustrečnym Volkswagen Bora, paśla čaho ździejśniŭ łabavoje sutyknieńnie z aŭtamabilem Volkswagen Jetta.
Kamientary