Hienieralnaja prakuratura Biełarusi prapanoŭvaje raspracavać Kodeks honaru dziaržsłužboŭcaŭ. Pra heta na pres‑kanfierencyi 14 kastryčnika ŭ Minsku zajaviŭ namieśnik Hieprakurora Viktar Konan.
Konan taksama akreśliŭ rysy, jakimi musić vałodać dziaržsłužboŭca: «Heta pavinien być čałaviek niepadkupny, razumny, piśmienny, razvažlivy». Hienprakuratura nastojvaje na stvareńni u viedamstvach admysłovych kamisij, u jakich budzie razhladacca kožny kankretny čynoŭnik.
«U kožnym ministerstvie, viedamstvie pavinny być stvoranyja (jany ŭžo ŭ bolšaści isnujuć) antykarupcyjnyja kamisii, jakija buduć vyrašać pytańni rostu kadraŭ, vyłučeńnie ich na vyšejšyja pasady, rezerv kadraŭ dla vysoŭvańnia. — adznačyŭ Viktar Konan. — My prapanoŭvajem uvieści takuju sistemu, kab na hetych kamisijach razhladali čałavieka, jaki ruchajecca pa karjernaj leśvicy, kab jon byŭ niepadkupnym, praŭdzivym, razumnym».
Pavodle infarmacyi namieśnika Hienprakurora, karupcyjnyja złačynstvy ŭ Biełarusi składajuć 2,6% ad ahulnaj kolkaści.
Kamientary