Jon pačynajecca z adčuvańnia pakołvańnia, śvierbu abo piakoty i ź ciaham času pieratvarajecca ŭ nievialikija puzyrki z vadkaściu na tvary, čaściej za ŭsio na vusnach. Bahata ludziej zaražajecca hierpiesam jašče ŭ rańnim dziacinstvie — i virus zastajecca ŭ ich arhaniźmie na ŭsio žyćcio. Jak ža lačyć jaho prajavy?
Pačynajcie lekavańnie jak maha chutčej
Stres, stomlenaść i chvaroby, u tym liku prastudnyja, pracujuć jak tryhiery dla abvastreńnia hierpiesu. Kali heta z vami zdaryłasia, pačynajcie lačyć hierpies jak maha chutčej, piša The Times.
Starajciesia nie dakranacca da puzyrkoŭ, bo ŭ taki momant jon najbolš zarazny i moža raspaŭsiudžvacca. Simptomy hierpiesu źniknuć praź siem—dziesiać dzion, ale kali pry pieršych jaho prajavach vy naniesiacie supraćvirusny krem z acykłaviram, vy zmožacie pamienšyć dyskamfort i paskoryć hajeńnie. Važna nanosić krem tonkim słojem, a nie ŭcirać u skuru kožnyja čatyry hadziny. Dastatkovy adpačynak i zdarovaje charčavańnie padtrymajuć imunitet, jaki dapamoža praduchilić recydyŭ.
Pakryvajcie vusny soncaachoŭnaj kaśmietykaj
Ludzi, čyja skura ŭraźlivaja na ultrafijaletavyja pramiani, mohuć pakryvać vusny kaśmietyčnymi srodkami z SPF. Kali vy ź ich liku, vybirajcie pradukt nie mienš čym z SPF15, kab abarony było dastatkova.
Soniečnaje śviatło i soniečnyja apioki — viadomyja tryhiery abvastreńnia hierpiesu, i kali kruhły hod prymianiać soncaachoŭnuju kaśmietyku, heta, vierahodna, dapamoža źnizić ryzyku. Nie hrebujcie karysnaj zvyčkaj i ŭzimku, bo i tady byvajuć soniečnyja dni.
Prymajcie vitamin Je
Spałučeńnie aślaplalna biełaha śniehu, soniečnaha śviatła i vialikaj vyšyni ŭ harach moža pavysić ryzyku źjaŭleńnia hierpiesu ŭ łyžnikaŭ — nośbitaŭ hetaha virusu. Navukoŭcy ź Ciurychskaha ŭniviersiteta vykazali zdahadku, što ŭzmocnienaje ŭździejańnie ultrafijaletavych pramianioŭ padčas katańnia na łyžach padviarhaje arhanizm dadatkovamu akiślalnamu stresu, asłablaje imunnuju sistemu i dazvalaje virusu hierpiesu kvitnieć. Vučonyja miarkujuć, što kali prymać dadatkova vitamin Je ciaham zimovych miesiacaŭ, u tym liku pierad łyžnym adpačynkam, heta moža dapamahčy ŭ baraćbie z akiślalnym stresam i adpaviedna ź virusam hierpiesu.
Čytajcie taksama:
Ci možna adbialić zuby tanna, što rabić z «kanaŭkami» ŭzdoŭž dziasnaŭ, ci nabyvać pastu z ftoram — papularna tłumačyć stamatołah
8 prykmiet, što vaš chrap moža być niebiaśpiečny
«Spadziajusia, piataha razu nie budzie». Biełarusy, jakija chvareli na kavid try i bolš razy, raskazvajuć, jak heta
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary