Rasija budzie nastojvać na vysokich uvaznych pošlinach na aŭtamabili
Rasija budzie nastojvać na vysokich uvaznych pošlinach na aŭtamabili, što ŭvoziacca na terytoryju mytnaha sajuza.
Pra heta 14 kastryčnika na pres‑kanfierencyi ŭ Minsku zajaviŭ člen kamiteta pa pryrodnych resursach i achovie navakolnaha asiarodździa Savieta Fiederacyi Rasii Anatol Vaśkoŭ.
«Pošliny pošlinami, ale treba padtrymlivać svaich vytvorcaŭ.
Dla nas važna dapamahčy svaim pradpryjemstvam, jakija vypuskajuć aŭtatechniku», — skazaŭ jon.
Namieśnik staršyni kamisii pa mižnarodnych spravach i suviaziach z SND Ihar Karpienka paviedamiŭ, što ŭ adpaviednaści z damoŭlenaściami, padpisanymi ŭ ramkach JeŭrAzES, stvarajecca nadnacyjanalnaja struktura — kamisija mytnaha sajuza, jakaja i budzie zaćviardžać pamier pošlin.
«Pakul adpaviednaje pahadnieńnie nie prajšło ŭnutrydziaržaŭnyja pracedury, havaryć ab pamierach pošlin rana», — skazaŭ deputat.
Pavodle jaho słoŭ, kamisija budzie prymać rašeńnie ab źmianieńni stavak pošlin u zaležnaści ad damoŭlenaści bakoŭ. «Jość usie ryčahi i pracedury, jakija sadziejničajuć viadzieńniu dyjałohu pa hetym pytańni», — padkreśliŭ Karpienka.
Siońnia mytnyja pošliny na inšamarki ŭ Biełarusi značna nižejšyja za rasijskija.
Tak, na inšamarki, jakim nie bolš za 3 hady, u Biełarusi pošlina składaje ad 0,6 da 0,75 jeŭra za kub. sm rabočaha abjomu cylindraŭ ruchavika; na mašyny ad 3 da 10 hadoŭ — ad 0,35 da 0,6 jeŭra, ad 10 da 14 hadoŭ — 0,75 jeŭra, bolš za 14 hadoŭ — 2 jeŭra.
U Rasii pošlina na aŭtamabil da 5 hadoŭ składaje ad 1,2 da 2,8 jeŭra, bolš za 5 hadoŭ — ad 2 da 5,8 jeŭra.
Čakajecca, što 1 studzienia 2010 hoda na terytoryi Biełarusi, Kazachstana i Rasii nabudzie moc adziny mytny taryf, a 1 lipienia 2011 hoda ŭvieś mytny kantrol pavinien być vyniesieny na źniešniuju miažu sajuza.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary