NYT: Supracoŭniki FSB nazyvajuć dziaržaŭnych prapahandystaŭ «kalehami»
Supracoŭniki rasijskaha dziaržaŭnaha chołdynha VHTRK tranślavali ŭ efiry telekanałaŭ videazapisy i inšuju infarmacyju, jakuju im pieradavali, čaściakom ananimna, pradstaŭniki FSB i Ministerstva abarony RF. Pra heta havorycca ŭ artykule haziety The New York Times, žurnalisty jakoj vyvučyli pierapisku supracoŭnikaŭ VHTRK, rassakrečanuju chakierami.
U sakaviku hrupa DDoSecrets apublikavała 900 tysiač elektronnych listoŭ supracoŭnikaŭ VHTRK. Žurnalisty NYT praanalizavali ŭsiu bazu źviestak i vyjavili 750 hihabajt fajłaŭ, źviazanych z padrychtoŭkaj da vajny va Ukrainie i jaje rańnim etapam u pieryjad sa studzienia pa sakavik 2022 hoda.
Žurnalisty vieryfikavali sapraŭdnaść fajłaŭ, a taksama vyznačyli, što temy, jakija abmiarkoŭvali ŭ listach, paśla sapraŭdy źjaŭlalisia ŭ efiry.
Pavodle materyjałaŭ, jakija vyvučyła hazieta, dziaržaŭnyja prapahandysty pry aśviatleńni padziej, jakija vyklikali mižnarodny rezanans, kiravalisia niepasrednymi instrukcyjami FSB i Ministerstva abarony Rasii.
U pieršy dzień paŭnamaštabnaha rasijskaha ŭvarvańnia va Ukrainu — 24 lutaha — supracoŭniki FSB nakiravali ŭ dziaržaŭnyja ŚMI list, u jakim nazvali adrasataŭ «kalehami».
U liście, u pryvatnaści, havaryłasia, što ŭkrainskija vajskoŭcy kidajuć svaje pasady.
U sakaviku FSB paviedamiła respandentam u dziaržaŭnym miedyjachołdynhu, što na poli boju zahinuli dvoje ŭkrainskich aficeraŭ, jakija, pa zajavie rasijskaj śpiecsłužby, nibyta zabivali mirnych žycharoŭ i byli terarystami. VHTRK prasili dać hetuju infarmacyju, nie zhadvajučy FSB, što supracoŭniki chołdynha i zrabili.
U sakaviku, pavodle źviestak NYT, rasijskija vajskoŭcy ŭ liście z paznakaj «Važna!» dasłali videa z ukrainskaj biežankaj. Žančyna na zapisie zajaviła, što dramteatr u Maryupali, u jakim znachodzilisia mirnyja hramadzianie, uzarvali ŭkrainskija nacyjanalisty, a nie razbambili rasijskija vajskoŭcy. «Kali łaska, vykarystoŭvajcie ŭ materyjałach», — havaryłasia ŭ liście.
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva4
Kamientary