Palitviaźnia Juryja Kaściuka pieraviali ŭ brescki SIZA. Jon dapamahaŭ svajakam palitviaźniaŭ
Kaściuka abvinavačvajuć pavodle art. 361-4 KK («sadziejničańnie ekstremisckaj dziejnaści»).
Padstavaj prakuratarka nazvała toje, što Juryj dapamahaŭ inšym palitviaźniam: paprasiŭ znajomych adkryć polskuju bankaŭskuju kartku, kudy atrymlivaŭ hrošy, jakija paśla nakiroŭvaŭ svajakam palitviaźniaŭ. Hrošy na dapamohu atrymlivaŭ ad pravaabarončych arhanizacyj.
Kaściuk adbyŭ termin za «źniavahu dziaržaŭnych simvałaŭ» i 6 studzienia vyjšaŭ na volu. 15 lutaha jaho zatrymali supracoŭniki KDB z nahody ŭdziełu ŭ telehram-čacie «Volejboł po vychodnym». Chłopiec źjechaŭ u Rasiju, adnak byŭ zatrymany ŭ Sočy. Paźniej mužčynu tajemna vyvieźli ŭ Biełaruś.
Jak stała viadoma bresckaj «Viaśnie», Kaściuka ŭ siaredzinie śniežnia pieraviali ŭ SIZA-7. Mierkavana, sud nad chłopcam adbudziecca ŭžo ŭ nastupnym miesiacy.
Padtrymać palitviaźnia hrašovymi pieravodami i telehramami: SIZA-7, 224030, h. Brest, vuł. Savieckich pamiežnikaŭ, 37, Kaściuk Juryj Andrejevič
Kamientary