FT: Suravikin pamienšyŭ šancy USU na kontrnastup zimoj, ale praryŭ mahčymy
Kamandujučy rasijskimi akupacyjnymi vojskami va Ukrainie Siarhiej Suravikin zahadaŭ vajskoŭcam RF adstupić z Chiersona, kab źmienšyć vierahodnaść paśpiachovaha kontrnastupu USU zimoj. Adnak praryŭ ukraincaŭ mahčymy. Pra heta piša vydańnie Financial Times.
FT paviedamlaje, što Suravikin uzmacniŭ front navabrancami kolkaściu kala 300 tysiač sałdat, a taksama arhanizavaŭ «paśpiachovaje adstupleńnie» z Chiersona.
«Hetyja mocnyja abarončyja pazicyi pamianšajuć šancy na pośpiech ukrainskaha zimovaha kontrnastupu, jakoje pierarezała b suchaputny most, što prachodzić uzdoŭž uźbiarežža Azoŭskaha mora i złučaje Rasiju z Krymam, choć praryŭ usio jašče razhladajecca zachodnimi vajennymi analitykami jak mahčymy», — piša vydańnie.
FT taksama pryvodzić słovy byłoha bryhadnaha hienierała brytanskaha vojska Bena Bary, što rasijskija tanki, bieśpiłotniki i vialikaja kolkaść ludziej «ničoha nie vartyja, kali raźviedka, kiraŭnictva — nieadekvatnyja».
Kamientary