Trahičnyja zdareńni adbylisia 11 i 12 listapada.
41-hadovy minčuk razam sa svaim znajomym vypivali ŭ adnym z damoŭ pa vulicy Vaniejeva. U padjeździe mužčyna ŭžyŭ narkotyk, paśla čaho straciŭ prytomnaść. Pryjaciel vyklikaŭ chutkuju, adnak miedyki kanstatavali śmierć minčuka, paviedamlaje Śledčy kamitet.
Zhodna z zaklučeńniem sudova-miedycynskaj ekśpiertyzy, śmierć 41-hadovaha mužčyny nastupiła ŭ vyniku kambinavanaha atručvańnia mietadonam i etyłavym śpirtam. Pamierły pracavaŭ kamplektoŭščykam u adnoj z kramaŭ, raniej taksama ŭžyvaŭ zabaronienyja rečyvy.
Dniom 11 listapada z-za atručvańnia zabaronienym rečyvam žyćcio abarvałasia i ŭ žychara Leninskaha rajona stalicy. Ustanoŭlena, što 36-hadovy mužčyna užyŭ asabliva niebiaśpiečnaje psichatropnaje rečyva — alfa-PVP. Zahinuły nidzie nie pracavaŭ.
Zaviedzienyja kryminalnyja spravy.
Śledčyja nahadvajuć, što za niezakonny abarot narkatyčnych srodkaŭ i psichatropnych rečyvaŭ, jaki paciahnuŭ pa nieaściarožnaści śmierć čałavieka, praduhledžana pazbaŭleńnie voli na termin ad dvanaccaci da dvaccaci piaci hadoŭ.
Kamientary