Litva źbirajecca denansavać pahadnieńnie ź Biełaruśsiu ab pamiežnym supracoŭnictvie
Ministerstva ŭnutranych spraŭ Litvy padrychtavała prajekt pastanovy ŭrada ab denansacyi pahadnieńnia ab pryncypach pryhraničnaha supracoŭnictva pamiž Litvoj i Biełaruśsiu. Prajekt budzie ŭniesieny na zaćviardžeńnie ŭ bližejšy čas, piša reform.by.
Pahadnieńnie było padpisana ŭ 2006 hodzie. Jano achoplivaje supracoŭnictva ŭ halinie infrastruktury, abarony navakolnaha asiarodździa, efiektyŭnaha vykarystańnia enierharesursaŭ, turyzmu, adpačynku, sportu, kulturnaj spadčyny, adukacyi, dziełavoj infrastruktury, pieramiaščeńnia transpartnych srodkaŭ i pasažyraŭ praź miažu, abmien infarmacyjaj, akazańnie dapamohi na miažy pry NS.
Namieśnik kiraŭnika MUS Arnołdas Abramavičus ličyć najaŭnaść takoha pahadnieńnia ŭ biahučych umovach dvuchsensoŭnym.
«Ciapierašniaja situacyja nienarmalnaja, kali, z adnaho boku, dziejničaje pahadnieńnie ab supracoŭnictvie, a z druhoha boku, biełaruski ŭrad zaniaŭ kanfrantacyjnuju pazicyju jak u arhanizacyi patokaŭ nielehalnych mihrantaŭ, tak i ŭ niepasrednym udziele i padtrymcy rasijskaj ahresii. My ličym, što najaŭnaść takoha pahadnieńnia stanovicca dvuchsensoŭnaj», — zajaviŭ jon ahienctvu BNS.
Abramavičus adznačaje, što biełaruskija pamiežniki admaŭlajucca supracoŭničać ź litoŭskimi ŭ pytańniach nielehalnaj mihracyi.
«Ciapier nijakaha supracoŭnictva niama. Kali adpraŭlajucca zapyty, zvaroty da pamiežnikaŭ Biełarusi z prośbaj akazać humanitarnuju dapamohu nielehalnym mihrantam, zvyčajna heta zakančvajecca tym, što hetych mihrantaŭ adciskajuć u bok litoŭskaj terytoryi», — skazaŭ namieśnik kiraŭnika litoŭskaha MUS.
Jon adznačyŭ, što pahadnieńnie možna budzie adnavić, kali ŭ Biełarusi adbuducca demakratyčnyja źmieny.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary