Vučonyja raspracavali sposab vyśviatlać najaŭnaść sindromu Alchiejmiera pa analizie kryvi. Vynachodnictva moža zamianić darahuju tamahrafiju ci balučuju punkcyju śpinnoha mozhu, a taksama dapamahčy raniej vyjaŭlać chvarobu.
Sindrom Alchiejmiera — samaja raspaŭsiudžanaja forma demiencyi. Ale jaho ŭsio jašče składana dyjahnastavać, asabliva na rańnich stadyjach, piša Guardian.
U naš čas hetuju chvarobu vyjaŭlajuć pa troch markierach: anamalnaj kancentracyi białkoŭ tau i amiłoidaŭ, a taksama pa niejradehienieracyi — pavolnaj i prahresirujučaj stracie niejronaŭ u roznych častkach mozhu. Dla hetaha patrebny analiz śpinnamazhavoj vadkaści ŭ spałučeńni z tamahrafijaj mozhu. Ale ž punkcyja śpinnamazhavoj vadkaści — balučaja pracedura z pabočnymi efiektami, a tamahrafija — darahaja pracedura, na jakuju nie tak lohka trapić.
Spravu b vypraviła raspracoŭka nadziejnaha analizu kryvi na sindrom Alchiejmiera. U pierśpiektyvie taki test byŭ by tańniejšy, bolš biaśpiečny i prosty ŭ praviadzieńni, čym inšyja daśledavańni, jon moh by dapamahać paćviardžać najaŭnaść chvaroby ŭ niezrazumiełych vypadkach.
Hledziačy pa pracu, apublikavanuju ŭ časopisie Brain, taki analiz chutka moža być dastupny. Jaho raspracoŭkaj zajmałasia kamanda z udziełam prafiesara Tomasa Karykary ź Pitsburhskaha ŭniviersiteta ŭ amierykanskim štacie Piensilvanija. Karykary i jaho kalehi pa ŭsim śviecie zasiarodzilisia na stvareńni analizu na asnovie antyciełaŭ, jakija b vyjaŭlali typ tau-białku, charakternaha dla sindromu Alchiejmiera.
Svoj analiz navukoŭcy pratestavali na 600 pacyjentach z chvarobaj Alchiejmiera ŭ roznych stadyjach. Jany vyśvietlili, što vyjaŭlenaja kolkaść tau-białku kareliravała z kolkaściu hetaha ž białku, znojdzienaha padčas punkcyi, i, takim čynam, analiz akazaŭsia nadziejnym. Nastupny krok — pravieryć test na bolšaj kolkaści pacyjentaŭ, uličvajučy ludziej roznych nacyjanalnaściej i ras, a taksama pacyjentaŭ z roznymi stupieniami prajaŭleńnia simptomaŭ.
Čytajcie taksama:
Bolš za 10% nasielnictva Ziamli maje prablemy z mozham. Ale navukoŭcy blizkija da praryvu
Što pahladzieć. «Apošnija dni Ptalemieja Hreja» — jak addać usio za miesiac zvyčajnaha žyćcia
Śniacca kašmary pa načach? Heta moža być rańniaj prykmietaj demiencyi
Ciapier čytajuć
U zahinułaj u Ślapiancy dziaŭčynie apaznali Janu Kastrankovu2
Kamientary