Za śniežań sudy kryminalna represavali nie mienš za 55 čałaviek
Pravaabarončy centr «Viasna» ŭ śniežni fiksavaŭ tendencyju kryminalnaha pieraśledu i asudžeńnia hramadzian pa palityčnych matyvach. Praktyka kryminalnaha pieraśledu ŭ dačynieńni da apanientaŭ ułady ŭ śniežni dapoŭniłasia vyniasieńniem prysudaŭ u paradku zavočnaj vytvorčaści.
Pravaabaroncam viadoma pra nie mienš jak 55 asudžanych u kryminalnym paradku hramadzian, ź jakich 43 — heta mužčyny, 12 — žančyny.
U dačynieńni da dvuch hramadzian pastanoŭlenyja abvinavaŭčyja prysudy ŭ paradku zavočnaj vytvorčaści. «Viaśnie» viadoma pra adnaho hramadzianina, u dačynieńni da jakoha kryminalny pieraśled spynieny ŭ suviazi z zakančeńniem terminaŭ daŭnaści pryciahnieńnia da adkaznaści.
Sumarna, pa viadomych pravaabaroncam spravach, u śniežni vynieśli prysudy:
268 hadoŭ 3 miesiacy pazbaŭleńnia voli ŭ dačynieńni da 36 čałaviek;
5 hadoŭ abmiežavańnia voli z nakiravańniem u vypraŭlenčuju ŭstanovu («chimija») u adnosinach da 2 čałaviek;
39 hadoŭ abmiežavańnia voli biez nakiravańnia ŭ papraŭčuju ŭstanovu («chatniaja chimija») u dačynieńni da 16 čałaviek;
3 miesiacy aryštu dla adnaho čałavieka;
5000 bazavych vieličyń štrafu na sumu 160 000 rubloŭ u jakaści dadatkovaha pakarańnia ŭ dačynieńni da 16 čałaviek razam z pazbaŭleńniem (dla 15 asudžanych) i abmiežavańniem voli biez nakiravańnia ŭ papraŭčuju ŭstanovu (dla adnaho čałavieka);
prymusovaje lačeńnie ŭ dačynieńni da adnaho čałavieka razam z pazbaŭleńniem voli;
5 hadoŭ pazbaŭleńnia prava zajmać pasady, źviazanyja z prachodžańniem słužby ŭ pravaachoŭnych orhanach.
Pavodle viadomych pravaabaroncam prysudaŭ, u śniežni sudy ŭžyli pakarańnie, źviazanaje z pazbaŭleńniem voli, u 65,45% vypadkaŭ. Abmiežavańnie voli z nakiravańniem u PUAT («chimija») sudy vykarystoŭvali ŭ jakaści pakarańnia ŭ 3,64% vypadkaŭ. Abmiežavańnie voli biez nakiravańnia ŭ PUAT («chatniaja chimija») užyvałasia ŭ 29,1% vypadkach asudžeńnia hramadzian. Aryšt sudy ŭžyvali ŭ 1,81% vypadkaŭ asudžeńnia fihurantaŭ palityčnych spraŭ.
Takim čynam, u śniežni pakarańnie pa palityčna matyvavanych kryminalnych spravach, źviazanaje z pazbaŭleńniem voli, jaje abmiežavańniem u vyhladzie «chimii» i «chatniaj chimii» sudy ŭžyvali ŭ 100% vypadkach asudžeńnia fihurantaŭ palityčna matyvavanych kryminalnych spraŭ.
Kamientary