Nacyjanalnyja polskija vizy dla biełarusaŭ znoŭ stali płatnymi
Za atrymańnie nacyjanalnaj polskaj vizy hramadzianie Biełarusi z 1 studzienia 2023 hoda musiać zapłaciać 35 jeŭra — stolki z pačatku hoda składaje konsulski zbor za pryjom i razhlad zajavy. Heta praduhledžana pastanovaj Ministerstva zamiežnych spraŭ Polščy.
Na hety momant viadoma, što rašeńnie ab spahnańni konsulskaha zboru budzie dziejničać da 31 śniežnia 2023 hoda.
Vyzvalenyja ad vypłaty konsulskaha zboru buduć nastupnyja katehoryi hramadzian Biełarusi, jakija atrymlivajuć polskuju nacyjanalnuju vizu typu D:
- asoby, jakija pretendujuć na humanitarnuju vizu;
- niepaŭnaletnija 12-18 hadoŭ;
- asoby, jakija nie dasiahnuli 25 hadoŭ, naviedvajuć sieminary, kanfierencyi, spartyŭnyja, kulturnyja abo adukacyjnyja mierapryjemstvy, arhanizavanyja niekamiercyjnymi arhanizacyjami;
- asoby, jakija pretendujuć na vizu na padstavie «karty palaka».
Raniej biełarusaŭ vyzvalili ad vypłaty konsulskaha zboru za nacyjanalnyja vizy ŭ kancy śniežnia 2015 hoda.
Čytajcie taksama:
Centr biełaruskaj salidarnaści: Biełarusam časta admaŭlajuć u vydačy humanitarnych viz unutry Polščy
Čatyroch biełarusaŭ z polskimi humanitarnymi vizami vysłali z Hiermanii
«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika7
Kamientary