Vydańnie pra Minsk CityDog.io nazvała 12 čałaviek, jakija, na jaho dumku, źjaŭlajucca minčukami 2022 hoda. «My nazvali hetych ludziej najlepšymi, tamu što navat u samaj ekstremalnaj situacyi (biezhrašoŭje, depresija, represii, turma, emihracyja, vajna i prosta stomlenaść ad usich i ŭsiaho) jany robiać svaju spravu. I tak robiać siabie, nas i Minsk bolš mocnymi i prykmietnymi». Siarod adznačanych vydańniem — palitviazień-našaniviec Andrej Skurko.
Arhumientuje svoj vybar redakcyja vydańnia tak:
«Redaktar Andrej Skurko — palitviazień. Jaho zatrymali 8 lipienia 2021 hoda i źmiaścili ŭ IČU na zavułku Akreścina. U sakaviku 2022-ha jaho pryznali vinavatym pavodle č. 2 art. 216 Kryminalnaha kodeksa i prysudzili 2,5 hady pazbaŭleńnia voli ŭ kałonii ahulnaha režymu.
Doma Andreja čakaje maleńki syn Tamaš, dla jakoha tata, padčas znachodžańnia ŭ turmie, pierakłaŭ na biełaruskuju movu «Ajbalita» Karnieja Čukoŭskaha.
I samy hałoŭny padarunak 2022 hoda — u Andreja Skurko vyjšła kniha vydatnych dziciačych vieršaŭ «Pra słanoŭ i barsučkoŭ» — i jana ŭžo stała biestsieleram. A jašče vieršy Andreja animiravanyja na YouTube-kanale «Bejbus»: usiaho apublikavana 67 multfilmaŭ-vieršaŭ».
Akramia Andreja Skurko, redakcyja «Sicidoha» adznačyła:
- ilustratarku Natallu Hrabionkinu,
- supracoŭnikaŭ Muzieja historyi Minska,
- stryt-art-mastaka Miciu Piślaka,
- kancertnaha pradziusara Hienadzia Šulmana,
- aŭtaraŭ hajda pa tusovačnym Minsku dzievianostych Paŭła Vałatoviča i Alaksieja Kavalova,
- nobieleŭskaha łaŭreata, pravaabaroncu Alesia Bialackaha,
- polskaha historyka Daryjuša Rolnika,
- niadaŭna pamierłych mastactvaznaŭcu i teatralnaha krytyka Alaksieja Strelnikava i mastaka Alesia Rodzina,
- dyktara — hołas stadyjona «Dynama» — Leanida Bandaroviča,
- uładalnika lehiendarnaj kaviarni «U Dzieda» Alaksandra Bažko.
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?3
Kamientary