Bolš za 60% Bachmuta razburana ŭ chodzie bajoŭ i rasijskaha nastupu na horad, jaki praciahvajecca ŭžo paŭhoda, paviedamiŭ kiraŭnik Danieckaj abłasnoj administracyi Pavieł Kirylenka.
Pavodle jaho słoŭ, u sieradu ŭ vyniku abstrełaŭ horada zahinuli dva mirnyja žychary.
«Jakija b sproby ŭvajści ŭ horad ni rabiŭ praciŭnik, jamu nie ŭdajecca prasunucca. Jakija b pośpiechi jany ni mieli, jany byli adkinuty na raniejšyja pazicyi za miežy horada, — skazaŭ Kirylenka ŭ efiry ŭkrainskaha telemarafonu. — Faktyčna ciapier jany znachodziacca na raŭninnaj spustošanaj terytoryi, što taksama spryjaje vielizarnym stratam siarod asabistaha składu».
Ukrainski prezident Uładzimir Zialenski ŭ viačernim zvarocie ŭ sieradu padziakavaŭ vajskoŭcam, jakija nanosiać vorahu šmatlikija straty i vybivajuć rasijskija vojski z pazicyj u vakolicach Bachmuta.
«Akupanty ŭžo paŭhoda pieranosiać datu, kali čakajuć zachopu ŭsiaho Danbasa. Voś čakali da Novaha hoda, a našy abaroncy znoŭ demanstrujuć pośpiechi. Akupanty pastajanna pavialičvajuć svaje siły ŭ Danieckaj vobłaści — jany robiać heta i ciapier. I kožny taki dzień našych pośpiechaŭ — heta novy dokaz varjactva samoj idei napadać na Ukrainu», — skazaŭ Zialenski.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary