Tajvań zabaraniŭ ekspart u Biełaruś tavaraŭ mašynabudavańnia i chimii
Ułady Tajvania zrabili bolš strohim kantrol nad ekspartam pradukcyi mašynabudavańnia i chimii ŭ Biełaruś i Rasiju.
Pašyrany śpis tavaraŭ, u dačynieńni da jakich dziejničaje strohi ekspartny kantrol i ŭvodziacca abmiežavańni ŭ vypadku pastavak jak u Rasiju, tak i ŭ Biełaruś.
Ułady Tajvania ličać, što abmiežavańni zakranuć pradukcyju padvojnaha pryznačeńnia, kab jana nie mahła być vykarystana ŭ vajennych metach. U vyniku ŭ abnoŭleny śpis uklučyli tavary chimičnaj i mietałurhičnaj pramysłovaści, a taksama pradukcyju mašynabudavańnia — usiaho bolš za 50 najmieńniaŭ.
Pad zabaronu trapili takija chimičnyja rečyvy, jak rycyn, tryftaryd azotu, nitrat amoniju, azotnaja kisłata, niekatoryja vidy nieržaviejučaj stali. Što tyčycca pradukcyi mašynabudavańnia, to jana ŭklučaje stanki ź ličbavym prahramnym kiravańniem, šlifavalnyja stanki ź ličbavym prahramnym kiravańniem, elektrarazradnyja stanki i kantralory.
Raniej Tajvań užo ŭvioŭ abmiežavańni na pastaŭku vysokatechnałahičnaj paŭpravadnikovaj pradukcyi. Tady pad zabaronu trapili mikrapracesary abo mikraschiemy z peŭnymi charaktarystykami, a taksama litahrafičnaje abstalavańnie, jakoje možna vykarystoŭvać dla druku pracesaraŭ.
Ministram kultury pryznačany artyst Rusłan Čarniecki
Ministram kultury pryznačany artyst Rusłan Čarniecki
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary