Daradca kiraŭnika Ofisa prezidenta Ukrainy Michaił Padalak u efiry nacyjanalnaha telemarafonu zajaviŭ, što vyzvaleńnie Kryma — heta pytańnie času, i Rasija sydzie adtul, jak tolki Krym piarojdzie pad poŭny ahniavy kantrol Ukrainy.
«Kali my vyzvalajem terytoryju Łuhanskaj, Danieckaj abo Zaparožskaj vobłaści, to Krym pierachodzić pad tatalny ahniavy kantrol Ukrainy. Ja nie zusim razumieju, što buduć rabić tam rasijanie. Jany ž buduć razumieć, što treba biehčy», — skazaŭ Padalak.
«Bo Rasija ŭžo hatovaja biehčy. Prosta jany jašče nie vyjšli sa stanu ałkaholnaha apjanieńnia tatalnaha. Potym jany vyjduć, pahladziać pa bakach i zrazumiejuć: ci ty ŭciakaješ, ci ty pamiraješ», — dadaŭ jon.
«Nie treba, kab našy dzieci, jakija siońnia siadziać u bambaschoviščy, praz 3—5 hadoŭ zapłacili jašče adnu canu. Kab jany potym pamirali za prava dziaržavy isnavać. Tamu my siońnia padpisali taki «kantrakt» — ci my siońnia dachodzim da kanca, i tady našy dzieci žyvuć u krutoj krainie, ci my pavinny šukać sabie inšaje miesca ŭ žyćci, tamu što tady Ukrainy nie budzie», — skazaŭ Padalak.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary