Vynieśli žorstki prysud «rejkavamu partyzanu» Vitalu Mielniku, jakomu pry zatrymańni prastrelili kaleni
Minski abłasny sud u zakrytym režymie 22 śniežnia pryhavaryŭ jaho da 13 hadoŭ źniavoleńnia.
Sudovy praces viała sudździa Anžalika Daniłava.
Sud pryznaŭ Vitala Mielnika vinavatym pa piaci artykułach Kryminalnaha kodeksa:
— č. 4 art. 309 — naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin;
— č. 2 art. 295 — niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ;
— č. 1 art. 368 — abraza Łukašenki;
— č. 3 art. 295 — niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ, ździejśnienyja hrupaj asob albo paŭtorna;
— č. 1 art. 289 — akt teraryzmu.
Viadoma, što mužčyna pražyvaje ŭ pasiołku Chadakova Minskaha rajona, u jaho jość maleńkaje dzicia.
Siamja ličyć, što Vital nie maje dačynieńnia da vystaŭlenych artykułaŭ, i źviazvaje jaho zatrymańnie z pomstaj miascovaha sudździ, a taksama z tym, što raniej u Vitala była sudzimaść.
U adpaviednaści z materyjałami spravy, u noč z 24 na 25 sakavika 2022 hoda na pierahonie Navasady — Barysaŭ, pablizu v. Stajki Barysaŭskaha rajona, Mielnik padpaliŭ relejnuju šafu śviatłafora aŭtamatyčnaj błakiroŭki, čym pryvioŭ u nieprydatny dla ekspłuatacyi stan jaho prybory i elemienty.
«U vyniku — parušyłasia praca sihnalnych ustanovak aŭtamatyčnaj błakiroŭki, a taksama nie byŭ zabiaśpiečany stan abaronienaści ruchu transpartnych srodkaŭ čyhunačnaha transpartu — adbyłasia zatrymka 22 hruzavych i 17 pasažyrskich ciahnikoŭ. Pry hetym mieła miesca niedapuščalnaja ryzyka ŭźniknieńnia transpartnych zdareńniaŭ i ich nastupstvaŭ u vyhladzie krušeńnia, avaryi ruchomaha składu, pryčynieńnia škody navakolnamu asiarodździu, majomaści jurydyčnych i fizičnych asob, parušeńnie narmalnaj pracy Biełaruskaj čyhunki».
Akramia taho, 14 i 21 žniŭnia 2020 hoda, a taksama 1 sakavika 2022 hoda Mielnik raźmiaściŭ u internecie paviedamleńni ź vidavočna niehatyŭnaj acenkaj Alaksandra Łukašenki, jakija źnievažajuć jaho honar i hodnaść.
Pa sukupnaści abvinavačańniaŭ, vyniesienych sudom šlacham ich častkovaha składańnia, kančatkovaje pakarańnie skłała 13 hadoŭ pazbaŭleńnia voli va ŭmovach asobaha režymu. Taksama jon musić spłacić 300 bazavych vieličyń štrafu (9600 rubloŭ).
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary
Navošta vy hetuju chłuśniu pišycie. Umovy raznyja, ale u nas šmat bolšie udzielničała ŭ baraćbie za svabodu čym va ukrainie. Jak vy možacie nie pavažać tak svoj narod????