Dobraachvotniki pałka Kalinoŭskaha ŭdzielničali ŭ dźviuch bujnych apieracyjach na ŭskrajku Bachmuta 31 śniežnia i 3—4 studzienia. Adzinaccać biełaruskich dobraachvotnikaŭ na minułym tydni byli paranienyja. Pra heta paviedamiła pres-słužba pałka.
Častka bataljona «Litvin» źmianiła napramak i ciapier razam z bataljonam «Vołat» vykonvaje bajavyja zadačy na ŭschodzie Ukrainy. Druhaja častka bataljona «Litvin» vajuje na inšym napramku frontu, havorycca ŭ spravazdačy pałka.
Na minułym tydni vajary viali šturmavyja apieracyi, pravodzili kontrnastupalnyja dziejańni, udzielničali ŭ vykanańni sumiesnych zadač. Strat u pałku niama, ale jość paranienyja.
31 śniežnia i 3—4 studzienia byli dźvie bujnyja apieracyi na ŭskrajku Bachmuta.
31 śniežnia 6 čałaviek byli paranienyja: dvoje z askołačnymi ranieńniami i čaćviora — z kantuzijaj roznaj stupieni, raskazała kamandzir evakuacyjnaj hrupy bataljona «Vołat» z pazyŭnym «Sievier».
3 i 4 studzienia piaciora čałaviek atrymali ranieńni. Ź ich troje — kulavyja ranieńni, adzin — askołačnaje i jašče adzin — kantuziju.
Vajary z kulavymi ranieńniami znachodziacca ŭ špitali.
Dzianis Urbanovič atrymaŭ ranieńni 4 studzienia. U jaho było davoli ciažkaje ranieńnie ŭ hrudzi, ale jon užo ŭ stabilnym stanie, idzie na papraŭku.
Pres-słužba pałka paviedamiła taksama, što pierad Novym hodam mer Žytomira naviedaŭ pazicyi pałka ŭ Bachmucie i pieradaŭ dobraachvotnikam pikap, kamplekty vajskovaj formy, hienieratary i dron.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary