Zatrymany syn byłoha ministra enierhietyki Siarhiej Patupčyk — druhi čałaviek na «Biełarusnafcie». I jašče šerah mieniedžaraŭ
Čynoŭnika zatrymali, papiarednie, pa kryminalnym artykule. I razam ź im uziali jašče niekalki drabniejšych mieniedžaraŭ z Homiela i Rečycy.
Siarhiej Patupčyk — namieśnik hienieralnaha dyrektara pa ekanomicy vytvorčaha abjadnańnia «Biełarusnafta». Pa fakcie — druhi čałaviek u kampanii, jaki padmianiaje hienieralnaha pry jaho adsutnaści.
Zatrymali Patupčyka-małodšaha dva tydni tamu. Hetaje zatrymańnie pa časie supała z zatrymańniem šeraha inšych mieniedžaraŭ «Biełarusnafty» ŭ Homielskaj vobłaści.
Dakładny sens pretenzij da zatrymanych nam nieviadomy.
Siarhiej Patupčyk — syn byłoha ministra enierhietyki Uładzimira Patupčyka, jakoha adpravili ŭ adstaŭku ŭ 2018-m nibyta za «spryjańnie ŭ stvareńni niezakonnaha siamiejnaha biznesu».
Valeryj Vakulčyk, staršynia KDB, tady publična žuryŭ Patupčyka za nibyta isnavańnie padradu, sens jakoha byŭ u pastaŭcy budmateryjałaŭ pa zavyšanych cenach na abjekty dziaržaŭnaha budaŭnictva.
Jak paźniej napisaŭ «Fłahštok», Siarhieja Patupčyka mahli zatrymać z-za dopisu ŭ padtrymku Ukrainy.
26 lutaha 2022 hoda Siarhiej Patupčyk pakinuŭ na svajoj staroncy ŭ Instahram dopis: «Fuck war. Kyiv in my heart!». Ciapier dopis vydaleny.
Čytajcie taksama:
«Fuck war. Kyiv in my heart!». Namieśnika hiendyrektara «Biełarusnafty» mahli zatrymać z-za dopisu ŭ padtrymku Ukrainy
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary