«Tuson» raskazaŭ, kolki kas zastałosia adramantavać paśla maštabnaha zboju i kolki času heta zojmie
Usie handlovyja sietki, jakija paciarpieli ŭ vyniku zboju kasavaha abstalavańnia TAA «Tuson», užo da 6 studzienia zmahli pracavać. Adnaŭleńnie prahramnaha zabieśpiačeńnia astatnich aparataŭ zojmie paru dzion, raspaviali Office Life ŭ kampanii.
Maštabny zboj u pracy kasavaha abstalavańnia adbyŭsia 2 studzienia i zakranuŭ handlovyja sietki «Oma», «Vostraŭ čyścini i smaku», «Jeŭraopt», zapraŭki «Biełarusnafta» i inš. Da ranicy 3 studzienia mnohija ź ich užo adnavili pracu.
Chutčej za ŭsio treba było ŭznavić pracu abstalavańnia na kruhłasutačnych zapraŭkach. Paralelna namahańni śpiecyjalistaŭ «Tusona» byli skiravany ŭ bok sietkavych pradpryjemstvaŭ. Ciapier zastałosia naładzić pracu adzinkavych aparataŭ nievialikich abjektaŭ.
«Na siońnia zastałosia kala 14% parka abstalavańnia, jakoje zarehistravana ŭ padatkovaj jak toje, što funkcyjanuje (ale nie dakładna, što nasamreč pracuje). U ličbach heta krychu mienš za 2 tysiačy. Chutčej za ŭsio, adnavić treba budzie pracu nie ŭsich hetych kas», — skazali ŭ kampanii.
Tym časam MPZ stvaryła pracoŭnuju hrupu dla vyrašeńnia prablem u pracy handlovych abjektaŭ, jakija vykarystoŭvajuć kasavaje abstalavańnie TAA «Tuson». U kampanii prakamientavali, što heta narmalnaja praktyka, jakaja nakiravana ŭ bolšaj stupieni na toje, kab vyklučyć nadalej uźniknieńnie takich situacyj.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary