9 studzienia Łukašenka padpisaŭ ukaz №3 «Ab mierach pa zabieśpiačeńni svoječasovaj vypłaty zarabotnaj płaty». Pra heta paviedamiła jahonaja pres-słužba.
Dakumient daje prava Departamientu dziaržaŭnaj inśpiekcyi pracy Ministerstva pracy i sacyjalnaj abarony vydavać najmalnikam patrabavańni ab likvidacyi zapazyčanaści ŭ vypłacie zarobku.
Pry fiksacyi parušeńniaŭ patrabavańni buduć vydavać biez dadatkovaj pravierki. Ciapier, kali zarobak zatrymlivajecca, spačatku praduhledžana pravierka, a z-za jaje zaciahvajecca praces vypłaty. Ciapier pracedura pavinna paskorycca.
Prapisana taksama, što na ŭsie zvaroty hramadzian abo infarmacyju ad pravaachoŭnych orhanaŭ inśpiektary buduć patrabavać u najmalnika dakumienty i vyvučać ich. Kali najmalnik likviduje ŭsie parušeńni pa vypłacie zarobkaŭ va ŭstanoŭleny termin, to jaho tady nie buduć pryciahvać da adkaznaści.
Vyznačany i paradak prymusovaha vykanańnia patrabavańnia ab pahašeńni zapazyčanaści pa vypłacie. Departamient vynosić rašeńnie ab spahnańni zarobku i nakiroŭvaje jaho ŭ orhany prymusovaha vykanańnia. Tamu ciapier rabotnikam nie treba budzie samastojna źviartacca z pazovam ab vypłacie zarpłaty ŭ sud abo nataryjat, a zatym — u orhany prymusovaha vykanańnia.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary