Kiraŭnictva «UKantakcie» zapatrabavała viarnuć supracoŭnikaŭ, jakija źjechali z Rasii

VK Group źbirajecca zvolnić usich supracoŭnikaŭ, jakija vyjechali, kali tyja nie viernucca na radzimu. Pra heta «Možam objaśniť» paviedamiła infarmavanaja krynica, znajomaja ź situacyjaj u kampanii. Inšy surazmoŭca ŭ mieniedžmiencie VK paćvierdziŭ, što kiraŭnikam adździełaŭ zahadali viarnuć dystancyjnych supracoŭnikaŭ u Rasiju, patłumačyŭšy heta pytańniami biaśpieki siervieraŭ i žadańniem nie dapuskać uciečak u kampanii.

Pieršy surazmoŭca «MO» ŭdakładniŭ, što supracoŭnikam, jakija chočuć zastacca, paraili zahadzia šukać novuju pracu. Pa jaho słovach, aficyjna abjavić ab takim rašeńni kampanija źbirajecca da kanca hetaha kvartała.

Padstavaj dla zvalnieńnia moža stać «zakon Klišasa», pa jakim zabaraniajecca addalenaja praca supracoŭnikam niekatorych śfier, u tym liku IT. Na dumku surazmoŭcy «MO», realnaj pryčynaj dla takoha rašeńnia kampanii moža stać padrychtoŭka da novaj chvali mabilizacyi. U vypadku, kali «pačnuć chapać» rodnych prahramistaŭ, jakija pakinuli RF, zvarotnaj reakcyjaj moža stać naŭmysny sabataž pracy, kaža ajcišnik. Zvalnieńni ž dapamohuć pazbavić kampanii ad takich «ryzykoŭnych» ludziej.

Zvalnieńni ŭ VK mohuć stać tolki pieršaj častkaj masavaha ačyščeńnia dziaržaŭnych abo kaladziaržaŭnych IT-kampanij ad źjechaŭšych. Raniej pisałasia pra anałahičnyja zabarony na dystancyjnuju pracu ŭ VTB, «Adkryćci», «Śbierbanku», «Miehafonie» i «Biłajnie». Supracoŭnikam bolšaści hetych kampanij nie pahražali zvalnieńniem, ale nastojliva prasili viarnucca na radzimu.

U VK Group pracuje bolš za 10 tysiač čałaviek. U chołdynh uvachodzić adnajmiennaja sacyjalnaja sietka, a taksama «Adnakłaśniki», Mail.ru i inšyja aktyvy. Kiruje kampanijaj Uładzimir Kiryjenka, syn pieršaha namieśnika kiraŭnika Administracyi prezidenta Siarhieja Kiryjenki. Kantralujecca VK Group praz daččynyja struktury «SOHAZ» siabra Pucina Juryja Kavalčuka.

U śniežni kiraŭnik Minličby Maksut Šadajeŭ zajaviŭ, što ŭsiaho z Rasii vyjechała blizu 100 tysiač supracoŭnikaŭ, heta prykładna 10% ad ahulnaj kolkaści rabotnikaŭ IT-śfiery. Pa słovach Šadajeva, niedzie 80% tych, chto źjechaŭ, praciahvajuć pracavać na rasijskija kampanii.

• 4
• 31
• 11
• 3
• 3
• 2