Suviaź treciaha pakaleńnia prabirajecca ŭ Biełaruś
Prezientacyja 3G, technałohii suviazi treciaha pakaleńnia, — istotnaja padzieja dla biełaruskaha rynku mabilnaj suviazi.
Samyja cikavyja mahčymaści novaj technałohii — vysokachutkasny internet, videasuviaź i mabilnaje telebačańnie.U Biełarusi pakul što tolki adzin apieratar mabilnaj suviazi, Life:), atrymaŭ radyjočastotny śpiektr dla stvareńnia 3G. Ale abanienckaja baza kampanii składaje ŭsiaho 500 tysiač čałaviek.
Abanienty astatnich apierataraŭ u čakańni dazvołu ŭładaŭ dla ich kampanij. Pracoŭnaja hrupa Dziaržaŭnaj kamii pa radyjočastotach pahadziłasia z prapanovaj Ministerstva suviazi nakont vydzialeńnia licenzii apierataram MTS i velcom. Adnak dla kančatkovaha rašeńnia padtrymki Minsuviazi niedastatkova. Ci atrymajuć apieratary radyjočastoty, stanie viadoma ŭ kancy hoda.
Staličnaja i abłasnaja zabaŭka
Pa infarmacyi Life:),
novaja suviaź budzie pracavać pakul što ŭ Minsku i abłasnych haradach.U rajcentrach patrapić u sietku 3G jašče nielha. Da kanca hoda apieratar abiacaje častkova vyrašyć prablemu, achapiŭšy pakryćciom terytoryju, na jakoj pražyvaje 70 % nasielnictva.
Maksimalnaja chutkaść, jakuju dasiahała suviaź u čas testavańnia, skłała 11,57 Mbit u siekundu. U haradskich umovach jana budzie nižejšaj, ale dla kamfortnaj pracy jaje pavinna chapić z zapasam.
Novyja technałohii — novyja košty
Ceny ŭ Life:) takija — 100 miehabajtaŭ pieradapłačanaha trafika na miesiac kaštujuć 10 tysiač rubloŭ. Za hihabajt treba zapłacić 49 tysiač rubloŭ.
Kali paraŭnać ceny na mabilny 3G-internet z tymi, što jość u susiednich krainach, stanovicca bačnaj darahavizna biełaruskaj suviazi.Abanienty polskaha Play, naprykład, płaciać 35 tysiač rubloŭ za 2 hihabajty. Ź inšaha boku, va Ukrainie licenzii na pasłuhi 3G-internet pakul što nie atrymaŭ nivodny apieratar mabilnaj suviazi.
Hiulčataj, adkryj tvaryk!
Cikavaja navinka biełaruskaha rynku mabilnych pasłuh — videazvanki.
Karystalniki telefonaŭ, jakija majuć kamiery, zmohuć bačyć adzin adnaho ŭ čas razmovy.Kali ž niechta nie zachoča, kab jaho bačyŭ surazmoŭca, jon zmoža zabaranić pakazvać siabie. Što datyčycca cen na videasuviazi, to taryfy na jaje pakul nieviadomyja. «Jany źjaviacca ŭ kancy miesiaca, kali pasłuha budzie aficyjna prezientavanaja»,— tłumačać u Life:).
Dapamožny materyjał
Daloka nie kožny mabilnik padtrymlivaje 3G, ale takija telefony nie abaviazkova źjaŭlajucca pradmietam raskošaj. U minskich internet-kramach, ceny na ich pačynajucca ad 85$ za BenQ-Siemens EF81. Samsung SGH-L170 troški daražejšy — 95$. Kali ž kuplać b/u-słuchaŭku, pryjdziecca zapłacić jašče mienš. Naprykład, toj samy BenQ-Siemens EF81 kaštuje 50$.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary