Sudziać advakata Vitala Brahinca. Jaho vinavaciać pa čatyroch artykułach Kryminalnaha kodeksa
U Minskim haradskim sudzie 16 studzienia pačaŭsia razhlad kryminalnaj spravy suprać advakata Vitala Brahinca. Jamu vystavili abvinavačvańnie pavodle čatyroch artykułaŭ Kryminalnaha kodeksa: č. 1 art. 342 (aktyŭny ŭdzieł u hrupavych dziejańniach, jakija hruba parušajuć hramadski paradak); č. 3 art. 130 (raspalvańnie varožaści); č. 3 art. 361 (zakliki da sankcyj i inšych dziejańniaŭ, nakiravanych na pryčynieńnie škody nacyjanalnaj biaśpiecy); č. 1 art. 361-1 (stvareńnie ekstremisckaha farmiravańnia albo ŭdzieł u im).
Spravu razhladaje sudździa Alena Ananič.
Vital Brahiniec byŭ zatrymany ŭ siabie doma 23 maja 2022 hoda. Śpiarša jaho aryštavali na 15 sutak za «niepadparadkavańnie», zatym zatrymali paŭtorna i znoŭ asudzili na taki ž termin. Paźniej stała viadoma, što Vital zatrymany pa kryminalnaj spravie za ŭdzieł u pratestach.
Vital Brahiniec byŭ advakatam niekatorych palitviaźniaŭ, u tym liku kiraŭnika pravaabarončaha centra «Viasna», łaŭreata Nobieleŭskaj premii miru Alesia Bialackaha. Taksama jon abaraniaŭ advakata Andreja Mačałava, pazbaŭlenaha licenzii, suprać jakoha była zaviedziena kryminalnaja sprava za «vykarystańnie zahadzia padroblenaha dakumienta». Praz aryšt Brahinca Mačałaŭ zastaŭsia ŭ sudzie biez abaroncy, paśla jaho prysudzili da dvuch hadoŭ «chimii».
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary