Zialenski zvolniŭ namieśnika kiraŭnika svajho Ofisa. Adbyvajucca novyja hučnyja adstaŭki
Jak havorycca va ŭkazie prezidenta Ukrainy, Kiryła Cimašenku zvolnili z pasady namieśnika kiraŭnika Ofisa prezidenta Ukrainy «pavodle padadzienaj zajavy». Pryčyny zvalnieńnia nie nazyvajucca.
Na miesca Cimašenki płanujuć pryznačyć kiraŭnika Kijeŭskaj abłasnoj vajennaj administracyi Alaksieja Kulebu.
Akramia Cimašenki, u adstaŭku padaŭ namieśnik ministra abarony Ukrainy Viačasłaŭ Šapavałaŭ. Jaho adstaŭka źviazanaja sa skandałam z zakupkaj praduktaŭ dla USU pa zavyšanych cenach. Jak paviedamlajuć u Minabarony Ukrainy, Viačasłaŭ Šapavałaŭ, jaki adkazvaŭ za tyłavoje zabieśpiačeńnie USU, paprasiŭ zvolnić jaho, «kab nie stvarać pahrozy dla stabilnaha zabieśpiačeńnia Uzbrojenych sił Ukrainy ŭ vyniku kampanii abvinavačvańniaŭ, źviazanych z zakupkaj pasłuh charčavańnia».
Taksama ŭ adstaŭku syšoŭ namieśnik hienprakurora Ukrainy Alaksiej Simanienka, paviedamlaje suspilne.media.
Pa źviestkach ŚMI, čakajucca adstaŭki ministra paliva i enierhietyki Hiermana Hałuščanka, ministra sportu Vadzima Hutcajta i ministra pa pytańniach stratehičnych halin pramysłovaści Paŭła Rabikina, a taksama kiraŭnikoŭ Sumskaj, Dnieprapiatroŭskaj, Zaparožskaj i Chiersonskaj abłvajenadministracyj.
Kamientary