U Ispanii zatrymali piensijaniera, jakoha padazrajuć u adpraŭcy pasyłak z bombami ŭ ambasadu Ukrainy
Aryštavany mužčyna — hramadzianin Ispanii, jaki dziejničaŭ sam i nie źviazany ź nivodnaj hrupaj.
Pa spravie ab pasyłkach z bombami, adpraŭlenych u pasolstva Ukrainy ŭ Ispanii, rezidencyju ispanskaha premjera i Minabarony krainy, zatrymali 74-hadovaha piensijaniera, paviedamlaje El Pais.
Pa danych vydańnia, supracoŭniki palicyi aryštavali ŭ horadzie Burhas na poŭnačy krainy 74-hadovaha mužčynu jak mahčymaha aŭtara šaści pasyłak ź piratechničnymi vyrabami.
Paviedamlajecca, što aryštavany mužčyna, hramadzianin Ispanii, dziejničaŭ samastojna i nie źviazany ni ź jakimi hrupami. Ciapier palicyja pravodzić pieratrus pa jaho miescy žycharstva ŭ Burhasie.
Nahadajem, 30 listapada ŭ pasolstvie Ukrainy ŭ Madrydzie adbyŭsia vybuch. Pryłada była ŭ adnoj z pasyłak dla ŭkrainskaha pasła. Tady kanvierty i skrynki z bombami atrymaŭ jašče šerah ispanskich viedamstvaŭ, u tym liku kampanija-pastaŭščyk zbroi Ukrainie, premjer-ministr Piedra Sančes, Minabarony Ispanii i spadarožnikavy centr avijabazy Tarechon-de-Ardas.
U ZŠA i ES u dačynieńni hetaj rassyłki zapadozryli rasijskuju arhanizacyju «Ruski impierski ruch».
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas1
Kamientary