Źleva naprava: Arciom Karkocki, Rene Fazel, Dźmitryj Baskaŭ. Fota: sacsietki
Pavodle kłuba, Suško sychodzić ad kiraŭnictva «Dynama» praź siamiejnyja abstaviny. Ciapier vykonvać abaviazki hiendyrektara kłuba budzie Arciom Karkocki, hulec, jaki da hetaha času ŭznačalvaŭ chakiejnuju škołu «Dynama». Taksama viadoma, što Karkocki hulaje ŭ chakiejnaj kamandzie Alaksandra Łukašenki.
Novy kiraŭnik «Dynama» trapiŭ u navinnyja stužki na pačatku 2021 hoda, kali vykłaŭ u sacsietkach sumiesnaje fota sa svaim siabram Dźmitryjem Baskavym i tahačasnym kiraŭnikom IICHF (Mižnarodnaj fiederacyi chakieja) Renie Fazelem. Toje fota pryviało da vialikaha skandału, i chutka stała viadoma pra pieranos chakiejnaha ČS-2021 ź Biełarusi.
Što da samoha Karkockaha, padčas svajoj karjery jon pahulaŭ u šerahu biełaruskich kłubaŭ: «Kieramin», «Brest», «Chimik-SKA», «Viciebsk» i «Šachcior». U 2010 hodzie Arciom atrymaŭ kantrakt u Kitai, taksama pahulaŭ u Kazachstanie i Łatvii, a pad kaniec karjery abjaviŭsia ŭ AAE. Eks-forvard maje vopyt hulni jak za biełaruskuju nacyjanałku, tak i za zbornuju Emirataŭ. U 2020 hodzie jon trapiŭ u kamandu Łukašenki, a taksama atrymaŭ pasadu ŭ ajčynnaj fiederacyi chakieja — staŭ pamočnikam tahačasnaha spartyŭnaha dyrektara FCHB Andreja Baško.
«Mianie abšukali ŭ 8:30 ranicy». Były pres-sakratar chakiejnaha «Dynama» paraŭnaŭ, jak hladziać sport prezident Litvy i Łukašenka
Kanadskaje MZS zaklikała kanadskich chakieistaŭ pakinuć Rasiju i Biełaruś
Pryjorbank staŭ partnioram chakiejnaha «Dynama-Minsk». Raniej paśla admovy ad hetaha kiraŭnika banka pasadzili
