Fota: pixabay
Niadaŭna nahladnaja rada kampanii Meta vystupiła za pierahlad karparatyŭnych pravił u dačynieńni da publikacyi hołych žanočych hrudziej. Časopis Vogue u svaim artykule zadajecca pytańniem, čamu padobnaje rašeńnie naśpieła jašče daŭnym-daŭno i ŭ čym naohuł sutnaść prablemy.
Dejzi Džons, aŭtarka Vogue, ličyć, što kampanija Meta, uładalnica Facebook i Instagram, narešcie zrazumieła, nakolki cenzuravańnie žanočych hrudziej było durnym i biessensoŭnym zaniatkam, i tamu vyrašyła źmianić praviły publikacyi fotazdymkaŭ hołaha cieła. Adnak heta padajecca vielmi zapoźnienym rašeńniem, bo ruch u hetym napramku pačaŭsia jašče šmat hadoŭ tamu i tema, na žal, zastavałasia biez uvahi ŭvieś hety čas.
Ruch Free the Nipple pačaŭsia ŭ 2015 hodzie. Adnak pry ŭsioj cikavaści i aktualnaści idei — «čamu žanočyja hrudzi ŭsprymajucca jak seksualny abjekt, a mužčyny mohuć chadzić bieź cišotki?» — jana vyklikała šmat niezadavalnieńnia. Ludzi byli niezadavolenyja tym, što hety ruch usio bolš staŭ prasoŭvać patryjarchalnyja standarty žanočaj pryhažości.
«Nie isnuje sposabu vyśvietlić poł čałavieka pa tym, jak vyhladaje jaho cieła źniešnie. I niama nijakich pryčyn, pa jakich žanočyja hrudzi musiać być zacenzuravanyja, a mužčynskija nie. Inšaje pytańnie — transhiendarnyja asoby. Jość niekatoryja transhiendarnyja žančyny, jakija nie robiać sabie darahija apieracyi. Jak tady być im?» — piša Dejzi Džons.
Jana adznačaje, što prablema nie tolki ŭ sacsietkach, a va ŭsioj čałaviečaj sistemie pavodzinaŭ i kaštoŭnaściaŭ ciapierašniaha žyćcia. Adbyvajecca heta praz toje, što staryja sacyjalnyja ŭmovy pazicyjanirujuć mužčyn jak «naziralnikaŭ», a žančyn jak «nazirajemych», i prychilniki takoha ŭkładu nie chočuć, kab niešta mianiałasia.
«Kali b dziaŭčyna vyjšła z domu bieź cišotki i stanika — jaje b aštrafavali abo aryštavali, čaho nie zdaryłasia b z chłopcam», — padkreślivaje aŭtarka Vogue.
Na jaje dumku, Meta zastałosia jašče šmat pracy nad takim dazvołam. Treba razumieć, što pry hetym kampanii treba budzie padtrymlivać zabaronu na parnahrafiju i pry hetym nie padtrymlivać zabaronu aholenaści, što zrabić dosyć składana.
«Ale fakt zastajecca faktam: ideja ab tym, što žančyny mohuć być albo seksualnymi, albo ahidnymi — najbolš daminantnaja ŭ našym śviecie ŭmoŭnaść. Tamu mała adnaho tolki dazvołu na hołyja žanočyja hrudzi, treba źmianiać cełuju sistemu śviadomaści, tradycyj i kaštoŭnaściaŭ», — padsumoŭvaje Džons.
Čytajcie jašče:
Miełkazioraŭ pra bekstejdžy intervju, dziaŭčat (50+), žyćcio i malinu — vialiki «Tok»
Čamu kot vybiraje adnaho haspadara? Daznajciesia, jak spadabacca vašamu hadavancu
Čamu žančyny adčuvajuć siabie kiepska pierad miesiačnymi
