U absalutnych cenach, biez pryviazki da zarobku, samyja nizkija ceny na bienzin z usich krain Jeŭropy, jakija fihurujuć u rejtynhu, składzienym RIA «Rejtynh» pa zamovie RIA «Naviny», adznačanyja ŭ Kazachstanie (častka terytoryi hetaj zbolšaha azijackaj krainy hieahrafična naležyć da Jeŭropy). U pieraliku na dalary ZŠA košt litra 95-ha bienzinu ŭ hetaj krainie składaje kala 0,45 dalara. Na druhim miescy pa tannaści paliva znachodzicca Rasija z koštam 0,74 dalara za litr. Treciaje miesca pa tannaści bienzinu siarod jeŭrapiejskich krain zajmaje Biełaruś, dzie bienzin kaštuje kala 0,92 dalara za litr. Dalej iduć u asnoŭnym krainy Uschodniaj Jeŭropy, jakija majuć adnosna nizkija ceny na paliva. Adnak na hetym pazityŭ rejtynhu dla biełarusaŭ zakančvajecca.
Rasijskija ekśpierty, hruntujučysia na źviestkach aficyjnaj statystyki, skłali rejtynh pa abjomie bienzinu, jaki mohuć nabyć na svaje siaredniemiesiačnyja zarobki žychary krain Jeŭropy.
Lidaram rejtynhu staŭ Luksiemburh. Žychary hetaj dziaržavy mohuć nabyć na svaje siarednija zarobki bolš za 2,5 tysiačy litraŭ bienzinu. Ceny na paliva ŭ hetaj nievialikaj krainie adnosna nievysokija, pry hetym zarobki adny z najbolšych u Jeŭropie.
Druhoje miesca zaniała Irłandyja z 1,9 tysiačy litraŭ. U pieršuju piaciorku rejtynhu ŭvachodziać taksama Narviehija, Vialikabrytanija i Niderłandy. Žychary hetych krain mohuć nabyć na svaje siaredniamiesiačnyja zarobki bolš za 1800 litraŭ bienzinu.
Rasija zaniała ŭ rejtynhu siamnaccataje miesca, pamiž Ispanijaj i Słavienijaj. Žychary RF mohuć nabyć na svaje siaredniemiesiačnyja zarobki kala 1059 litraŭ 95-ha bienzinu.
Žychary Biełarusi na siaredni zarobak mohuć sabie dazvolić 582,9 litra bienzinu. Pa hetym pakazčyku Biełaruś zajmaje 28-y radok rejtynhu, ci 4-y z kanca.
Mienš, čym biełarusy, bienzinu na svoj zarobak mohuć kupić žychary Łatvii, Rumynii, a taksama Vienhryi, hramadzianie jakoj majuć mahčymaść nabyć tolki 455 litraŭ paliva.
Biełaruś taksama apynułasia siarod lidaraŭ pa źmienie cenaŭ na bienzin u paraŭnańni z pačatkam 2022 hoda.
Pieršaje miesca tut zaniała Vienhryja, dzie bienzinavy ceńnik za hod vyras na 37,8%, druhoje — Narviehija z pavieličeńniem na 19,2%, a treciaje — Biełaruś z cenavym rostam na 17,1%.
Čytajcie taksama:
Pasolstva Rasii ŭ Šviecyi chacieła pakpić z cen na paliva ŭ Jeŭropie, ale pryznała Krym ukrainskim
Paraŭnali, kolki paliva možna kupić na siaredni zarobak u Biełarusi dy inšych krainach
