Ministr zamiežnych spraŭ Rasii Siarhiej Łaŭroŭ paviedamiŭ, što nibyta atrymaŭ praz kiraŭnika MZS Jehipta Samiecha Šukry pasłańnie ad dziaržsakratara ZŠA Entani Blinkiena. Sens jaho, pa słovach Łaŭrova, u tym, što Rasija pavinna syści z Ukrainy.
«My zaŭsiody kazali, što Rasija hatovaja vysłuchać lubuju surjoznuju, ja padkreślu heta słova, prapanovu, jakaja nakiravanaja na ŭrehulavańnie ŭsioj ciapierašniaj situacyi ŭ jaje ŭsioachopnym kantekście.
U suviazi z hetym my pačuli ŭ čarhovy raz pieradadzienaje praz spadara ministra pasłańnie ab tym, što Rasija pavinna spynicca, Rasija pavinna syści, i tady ŭsio budzie dobra»,— skazaŭ Łaŭroŭ.
«Sapraŭdnyja» ž žadańni Blinkiena, na dumku rasijskaha ministra, vykazaŭ hienieralny sakratar NATA Jens Stołtenbierh padčas svajho vizitu ŭ Paŭdniovuju Kareju.
«Jon u adnym sa svaich vystupaŭ skazaŭ, što Rasija pavinna prajhrać, Rasija pavinna być pavalenaja, a Zachad nie moža dapuścić, kab Ukraina prajhrała, tamu što tady Zachad prajhraje. I prajhraje, skazaŭ Stołtenbierh, uvieś śviet», — adznačyŭ Siarhiej Łaŭroŭ.
Padčas vizitu ŭ Paŭdniovuju Kareju 29 studzienia Jens Stołtenbierh sapraŭdy zajaviŭ, što pieramoha Rasii pa vynikach vajennaha kanfliktu stanie trahiedyjaj nie tolki dla ŭkraincaŭ, ale i dla ŭsiaho śvietu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary