U Iranie maładuju paru asudzili na 10 hadoŭ kałonii za ramantyčny taniec u centry stalicy
Iranskich błohieraŭ Amira Achmadzi i jaho dziaŭčynu Astyjadž Chahihi asudzili na 10,5 hoda kałonii za ramantyčny taniec u centry Tehierana. Maładyja ludzi zrabili zapis vosieńniu minułaha hoda, kali ŭ Iranie išli pratesty.
Tady ŭ Tehieranie i šerahu inšych bujnych iranskich haradoŭ išli bai z palicyjaj i navat ładzilisia padpały statuj duchoŭnych lidaraŭ krainy. Videa z tancam błohieraŭ la viežy Svabody chutka zavirusiłasia i stała peŭnym simvałam baraćby z dyktaturaj.
Za heta maładyja ludzi byli zatrymanyja i atrymali pa 10,5 hoda turmy. Sudździa vyrašyŭ, što jany zajmalisia padčas tanca «prapahandaj hrachu», i padryvali tym samym «nacyjanalnuju biaśpieku».
Žančynam u Iranie zabaroniena tancavać na publicy — tym bolš biez chidžaba, jak było ŭ hetym vypadku.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary