«Heta dla mianie navina». Reźnikaŭ prakamientavaŭ paviedamleńni ab svajoj chutkaj adstaŭcy
Ministr abarony Ukrainy Alaksiej Reźnikaŭ u intervju vydańniu «Fakti ICTV» skazaŭ, što što ni prezident, ni premjer-ministr nie prapanoŭvali jamu ŭznačalić ministerstva pa pytańniach stratehičnych halin pramysłovaści, i što jon admoviŭsia b, kali b atrymaŭ takuju prapanovu.
«Pra Minstratehpram ja čuju ŭpieršyniu. Ja chaču skazać jak juryst, što takoj pracedury pieravodu ŭnutry ŭrada ź ministra na ministra nie isnuje — heta rašeńnie parłamienta moža być tolki pa pradstaŭleńni premjer-ministra, kali heta nie pasada MAU (ministra abarony) abo MZS», — skazaŭ Reźnikaŭ.
«Kali raptam mnie takaja prapanova pastupiła b ad prezidenta Ukrainy ci premjer-ministra, to ja admoviŭsia b ad jaje, tamu što nie maju ekśpiertyzy, jakaja dazvalała b mnie jakasna być ministram Ministerstva pa pytańniach stratehičnych halin pramysłovaści. Tamu ja dumaju, što heta pamyłka», — dadaŭ ukrainski ministr abarony.
Raniej niekalki deputataŭ Viarchoŭnaj Rady paviedamili, što ministr abarony Ukrainy Alaksiej Reźnikaŭ budzie zvolnieny, i jaho pasadu moža zaniać ciapierašni kiraŭnik Hałoŭnaha ŭpraŭleńnia raźviedki Kirył Budanaŭ.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary