Pałkoŭnik Siarhiej Palakoŭ kamandavaŭ śpiecpadraździaleńniem, jakoje vykonvała bajavyja zadačy ź pieršaha dnia poŭnamaštabnaha ŭvarvańnia va Ukrainu, paviedamlaje Fosus.ua.
Na vajnie suprać Ukrainy byŭ likvidavany rasijski top-aficer-pałkoŭnik Siarhiej Palakoŭ, jaki kamandavaŭ 14-j asobnaj bryhadaj śpiecyjalnaha pryznačeńnia US RF (v/č 74854). Pra heta paviedamlaje karystalnik pad nikam NecroMancer u Twitter.
Paviedamlajecca, što Palakoŭ byŭ likvidavany 2 lutaha 2023 hoda. Razam ź im zahinuŭ, prynamsi, jašče adzin rasijski vajskoviec Ivan Marykaŭ. Ab ich hibieli paviedamlałasia na staronkach «UKantakcie».
Pry jakich abstavinach byŭ likvidavany Palakoŭ i dzie mienavita heta adbyłosia — nieviadoma. Adznačajecca, što pałkoŭnik vykonvaŭ «bajavuju zadaču».
14-ja asobnaja bryhada śpiecyjalnaha pryznačeńnia US RF bazujecca ŭ Chabaraŭsku. U rasijskaj armii jana ličycca elitnaj. 14-ja bryhada padparadkoŭvajecca Hałoŭnamu raźviedvalnamu ŭpraŭleńniu (HRU RF). Vajskoŭcy nazvanaj bryhady mieli minimalnyja straty na ŭsich vojnach, akramia vajny z Ukrainaj.
U mai vajskoŭcy hetaj bryhady pad kamandavańniem Palakova znachodzilisia ŭ Iziumie Charkaŭskaj vobłaści i ŭ vakolicach horada. Tam byŭ likvidavany ich aficer, padpałkoŭnik Albiert Karymaŭ.
U kastryčniku i listapadzie minułaha hoda 14-ja bryhada paniesła straty spačatku ŭ Charkaŭskaj vobłaści, a zatym i ŭ Danieckaj. Vierahodna, što vajskoŭcy hetaj bryhady taksama datyčnyja da vajennych złačynstvaŭ u Kijeŭskaj vobłaści na pačatku ŭvarvańnia.
Pra pałkoŭnika Siarhieja Palakova viadoma, što jon kamandavaŭ asobnaj bryhadaj śpiecpryznačeńnia z 2020 hoda. U 1996-m jon skončyŭ Dalokaŭschodniaje vyšejšaje ahulnavajskovaje kamandnaje vučylišča ŭ Błahavieščansku Amurskaj vobłaści Rasii. U 2016 hodzie jon byŭ na Danbasie.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary