Sachaščyk: My raspaznajem prykmiety ahresii za 3—4 tydni da jaje pačatku i papiaredzim hramadstva
«Naša Niva» paprasiła padpałkoŭnika Valeryja Sachaščyka, pradstaŭnika Abjadnanaha kabinieta pa pa abaronie i nacyjanalnaj biaśpiecy, patłumačyć siońniašniuju zajavu Śviatłany Cichanoŭskaj z zaklikam da hramadzian abdumać płan dziejańniaŭ na vypadak vajny.
Siońnia rankam Śviatłana Cichanoŭskaja źviarnułasia da biełarusaŭ z zaklikam abdumać płan dziejańniaŭ na vypadak vajny.
«Pahavarycie z rodnymi i siabrami, abmiarkujcie płan dziejańniaŭ na vypadak niebiaśpieki. Nazapaściesia najaŭnymi hrašyma, lepiej u valucie, a jašče lepiej — u roznych valutach. Abmiarkujcie ź dziećmi praviły pavodzin u stresavych situacyjach i bazavuju biaśpieku. Daviedajciesia, ci jość u vašym rajonie pamiaškańni, u jakich možna schavacca ŭ vypadku ŭdaraŭ z pavietra, vyzvalicie ich ad lišnich rečaŭ, pakińcie tam meblu i nievialiki zapas kansiervaŭ. Praviercie chatniuju aptečku, kali treba — papoŭnicie jaje nieabchodnymi srodkami: bintami, bandažami, srodkami indyvidualnaj abarony, antysieptykami, antybijotykami, zaspakajalnymi srodkami i tabletkami dla abiezzaražvańnia vady, a taksama tymi lekami, jakija vam patrebnyja», — napisała lidarka biełaruskaha hramadstva.
Mnohich hetyja słovy ŭschvalavali.
«Naša Niva» paprasiła padpałkoŭnika Valeryja Sachaščyka rastłumačyć pryčyny dla takoj zajavy.
«My ŭvažliva nazirajem za situacyjaj i znachodzimsia ŭ kantakcie z partniorami va Ukrainie. Prykmiety ahresii, jakaja rychtujecca, možna budzie raspaznać prykładna za 3—4 tydni da jaje pačatku, pra što my adrazu ž prainfarmujem biełaruskaje hramadstva.
U hety momant my takich prykmiet nie nazirajem i razhladajem mahčymaje abvastreńnie jak realny scenar raźvićcia padziej, jaki pakul što jašče nie nastupiŭ», — dasłała nam adkaz jahonaja pres-słužba.
«Naša Niva» — bastyjon biełaruščyny
PADTRYMAĆCiapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary
To jesť včiera uhroz było nol, a siehodnia nado vsiem prihotoviťsia?
Divny dieła tvoi štab…