Jeŭrasajuz rychtujecca da vizitu Uładzimira Zialenskaha na samit u Brusieli na hetym tydni, paviedamili Financial Times krynicy, znajomyja z płanami ŭkrainskaha prezidenta. Pa ich danych, pajezdka adnak jašče moža być sarvanaja z-za pieraściaroh, źviazanych z harantyjaj biaśpieki Zialenskaha.
Kali ŭkrainski prezident zmoža pryjechać dla vystupu na śpiecyjalnaj siesii Jeŭrapiejskaha parłamienta, heta budzie jaho druhi vyjezd za miežy Ukrainy z momantu pačatku vajny amal hod tamu.
Ukraina atrymała status kandydata ŭ členy Jeŭrasajuza i nastojvaje na paskoranym ustupleńni ŭ błok. Jeŭrapiejskija krainy taksama stali najbujniejšymi pastaŭščykami zbroi va Ukrainu paśla ZŠA.
U minułym miesiacy ES pačaŭ davać krainie pakiet makrafinansavaj dapamohi na 18 miljardaŭ jeŭra.
Na minułym tydni ŭkrainski lidar prymaŭ u Kijevie Ursułu fon der Lajen, staršyniu Jeŭrakamisii, i Šarla Mišela, kiraŭnika Jeŭrarady.
«Ščyra kažučy, kali ja kudyści pajedu, to jość vialikija ryzyki. Heta praŭda», — skazaŭ Zialenski žurnalistam u piatnicu, adkazvajučy na pytańnie ab mahčymym vizicie ŭ Brusiel.
Adzinym zamiežnym vizitam ukrainskaha prezidenta z momantu ŭvarvańnia Rasii va Ukrainu 24 lutaha 2022 hoda była śniežańskaja pajezdka ŭ Vašynhton, dzie jon pravioŭ pieramovy z prezidentam ZŠA Džo Bajdenam i vystupiŭ na pasiadžeńni Kanhresa.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary