Paśla katastrofy ŭ Bravarach ukrainskim ministram zabaranili pierasoŭvacca viertalotami
Heta budzie praciahvacca pakul nie pravierać usie ŭradavyja viertaloty, paviedamiŭ v. a. ministra ŭnutranych spraŭ Ukrainy Ihar Klimienka ŭ efiry adzinaha telemarafonu.
Hety praces zaciahniecca na miesiac ci na dva, pakul my nie vyznačym z zamiežnymi ekśpiertami, što jany biaśpiečnyja. Kali razhladać viersiju, što heta niaspraŭnaść viertalota», — cytujuć słovy Klimienki «Suśpilnie naviny».
Pavodle jaho słoŭ, čynoŭnikam zabaranili lotać na viertalotach da kanca rasśledavańnia. Čakajecca techničnaja ekśpiertyza čornych skryń.
Jon dadaŭ, što da rasśledavańnia dałučyłasia francuzskaja kampanija-vytvorca «Airbus». Taksama ŭ Francyju adpraviłasia ŭ kamandziroŭku hrupa ŭkrainskich ekśpiertaŭ, jakija razam z francuzskimi śpiecyjalistami prymali ŭdzieł u rasšyfroŭcy bartavych samapiscaŭ.
«My zacikaŭlenyja jak maha chutčej atrymać vyniki hetych ekśpiertyz i adpaviedna zaklučeńnie śledstva. Na hety momant abjadnanaja hrupa śledčych pracuje», — skazaŭ Klimienka.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ81
Kamientary