Aktyvista Narodnaj Hramady asudzili na dva hady kałonii za ŭdzieł u pratestach
Sud Savieckaha rajona Minska 10 lutaha vynies prysud 50-hadovamu palitźniavolenamu Alaksieju Kirejevu, abvinavaciŭšy jaho ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich (č. 1 art. 342 Kryminalnaha kodeksa). Spravu razhladaŭ sudździa Alaksandr Voŭk, piša «Viasna».
Aktyvista Narodnaj Hramady Alaksieja Kirejeva zatrymali 28 kastryčnika 2022 hoda i paśla 10 sutak u izalatary pieraviali ŭ SIZA №1 na Vaładarskaha pa kryminalnaj spravie za ŭdzieł u akcyjach pratestu ŭ 2020 hodzie.
Viadoma, što Alaksiej udzielničaŭ u akcyjach pratestu ŭ 2020 hodzie, adna ź ich adbyvałasia 27 vieraśnia. Ad pačatku vybarčaj kampanii jaho zatrymlivali kala dziesiaci razoŭ, trojčy byŭ pakarany administracyjnymi aryštami na terminy ad 5 da 15 sutak.
Sud pryznaŭ Kirejeva vinavatym i prysudziŭ aktyvistu pazbaŭleńnie voli terminam na dva hady va ŭmovach ahulnaha režymu.
Kamientary