«Vajskovaja adukacyja nabiraje papularnaść». U Minsku mohuć adkryć jašče adno kadeckaje vučylišča
Pytańnie adkryćcia jašče adnaho haradskoha kadeckaha vučylišča razhladajecca ŭ Minsku. Ab hetym raskazała «Minsk-Navinam» pieršy namieśnik staršyni kamiteta pa adukacyi Minharvykankama Ludmiła Barysienka.
— Na siońnia ŭ Minsku funkcyjanuje adno kadeckaje vučylišča na vuł. Cikockaha, 57. I jano vielmi zapatrabavana ŭ chłopcaŭ. My bačym, što štohod prachadny bał pavyšajecca, pastajanna pavialičvajecca konkurs. Akramia taho, tema vajskovaj adukacyi nabiraje papularnaść u dziaciej i baćkoŭ. U takim vialikim horadzie, jak Minsk, usie-taki naśpieła nieabchodnaść adkryćcia i druhoj padobnaj navučalnaj ustanovy. Niekali ŭ Minsku i byli dźvie kadeckija vučelni, — raspaviała Ł. Barysienka.
Pavodle słoŭ śpikiera, staić zadača prapracavać pytańni adkryćcia novaj ustanovy adukacyi z zacikaŭlenymi viedamstvami, u tym liku ź Ministerstvam adukacyi i MUS. U jakim budynku i dzie budzie raźmiaščacca jašče adno kadeckaje vučylišča, pakul nie vyrašana.
— Pakul havorka nie idzie pra novabudoŭlu. Ciapier havorym pra toje, što nieabchodna znajści ŭžo isnujučy budynak, mahčyma, dzieści jaki maje patrebu ŭ kapitalnym abo biahučym ramoncie. Jon pavinien adpaviadać peŭnym patrabavańniam. Tak jak navučency buduć znachodzicca ŭ im kruhłasutačna, tam nieabchodna najaŭnaść nie tolki navučalnych pamiaškańniaŭ, ale i, mahčyma, spalnych, — adznačyła Ł. Barysienka.
U isnujučaje Minskaje haradskoje kadeckaje vučylišča mohuć pastupać chłopčyki paśla 7-ha i 9-ha kłasaŭ, jakija pražyvajuć u stalicy. Nabor ažyćciaŭlajecca na konkursnaj asnovie.
Kamientary