Łukašenka pra vajnu va Ukrainie: Kali niechta dumaje, što adsiedzimsia, to tak nie budzie
Alaksandr Łukašenka na sustrečy z hienieralnym sakratarom Arhanizacyi Dahavora ab kalektyŭnaj biaśpiecy Imanhali Tasmahambietavym zaklikaŭ da bolšaha zhurtavańnia ŭ ADKB, piša BiełTA.
«Vyklikaŭ dastatkova. My ryzyknuli ŭ svajo staršynstva ŭ prahramu zapisać — pasprabavać vyrašyć voś hetyja prablemy, jakija ŭ nas isnujuć. Asabliva na miežach dziaržaŭ — členaŭ ADKB. Ja niezdarma kažu ab vašym vopycie. Pamiać u vas vydatnaja. Vy dobra viedajecie i Kaŭkaz, i Centralnuju Aziju. Tam u nas prablemy. Davajcie pasprabujem ich vyrašyć i, nakolki mahčyma, źjadnać Arhanizacyju Dahavora ab kalektyŭnaj biaśpiecy ŭ hetyja niaprostyja časy. Vy bačycie, što adbyvajecca pa pierymietry», — skazaŭ Łukašenka.
Jon padkreśliŭ, što ŭsim členam ADKB nieabchodna zhurtavacca i dziejničać razam, tamu što tak zaŭsiody praściej i lahčej.
«Kali chtości dumaje, što kanflikt Ukrainy i Rasii — heta nie naš kanflikt, što cichieńka dzieści adsiedzimsia, to ničoha padobnaha, tak nie budzie. Pryjdzie čas (jon niedaloka, litaralna zaŭtra) — jon zapatrabuje vyznačacca, zajmać peŭnuju pazicyju.
Ja nie kažu, što na škodu nacyjanalnym intaresam i hetak dalej. Ale z usimi našymi sajuznymi niedachopami nam daviadziecca dakładna vyznačać svaju palityku, svaju liniju dla taho, kab dziejničać razam. Razam zaŭsiody praściej i lahčej», — upeŭnieny Łukašenka.
Kamientary