Staršy daradca amierykanskaha Centra stratehičnych i mižnarodnych daśledavańniaŭ, pałkoŭnik u adstaŭcy Mark Kansijan nazvaŭ amal užo paŭhadovuju žorstkuju bitvu za Bachmut (dzie da vajny pražyvała kala 70 tysiač čałaviek) «doŭhaj, kryvavaj i biessensoŭnaj».
Na dumku Kansijana, navat kali rasijskim vojskam u vyniku ŭdasca ŭziać horad pad kantrol, «heta ničoha nie budzie značyć ni ŭ apieratyŭnym, ni ŭ stratehičnym płanie».
«Pa vialikim rachunku, sens tut simvaličny. Zachapiŭšy Bachmut, [rasijskaje kamandavańnie], napeŭna, zajavić ab zdabytaj vialikaj pieramozie, ale heta nie tak», — zajaviŭ Kansijan u intervju ahienctvu AFP.
U toj ža čas ekśpiert pryznaŭ, što mahčymaści USU na hetym kirunku vielmi abmiežavanyja i šancaŭ utrymać horad pad kantrolem Kijeva vielmi niašmat.
«Kali rasijanie napaduć mienavita tam, to ŭkraincy zmohuć chiba što trymać abaronu», — skazaŭ Kansijan u intervju francuzskamu ahienctvu.
Kamientary