Pres-słužba Pryhožyna apublikavała videa z čałaviekam, rolik z pakarańniem śmierciu jakoha raniej raźmiaściŭ telehram-kanał, źviazany z PVK «Vahnier». Na im mužčyna žyvy, piša «Nastojaŝieje vriemia».
Na zapisie čałaviek, jaki ŭ raniej apublikavanych videa nazyvaŭ siabie Dźmitryjem Jakuščankam, siadzić na fonie bietonnaj ściany. Dzie mienavita źniata videa, niezrazumieła.
Na videa mužčyna dziakuje PVK «Vahnier» za «mahčymaść vypravić svaje pamyłki» i kaža, što jamu soramna za toje, što jon u pałonie «nahavaryŭ šmat roznaj ch**ni».
Novy zapis byŭ raźmieščany paśla taho, jak Jaŭhien Pryhožyn adkazaŭ na zapyt z nahody sapraŭdnaści videa z pakarańniem śmierciu Jakuščanki.
«Dzieci zabaŭlajucca. Vy dumali, što film pra Jakuščanku — adnasieryjnaja drama «A zory tut cichija», ale, dumaju, jon bolš padobny da «Siamnaccać imhnieńniaŭ viasny». Kali jość žadańnie, možam padzialicca z vami nastupnaj sieryjaj. Viedajcie, dabro zaŭsiody pieramoža zło», — adkazaŭ uładalnik PVK «Vahnier» Pryhožyn.
Kamientary