Tak, niadziela 12 lutaha stała apošnim dniom pracy paba Malt&Hops na vuł. Zybickaj u Minsku. U paniadziełak jaho supracoŭniki ŭžo źbirali i vynosili majomaść. Ale heta nie adzinaja ŭstanova, jakaja zakryvajecca abo ŭžo zakryłasia na niekali samaj tusovačnaj vulicy stalicy. Pra toje, što adbyvajecca ciapier na Zybickaj — raspaviadaje Office Life.
Malt&Hops adkryŭsia ŭ 2014 hodzie i prapracavaŭ amal 10 hadoŭ. Pryčynu zakryćcia dyrektar ustanovy kamientavać admoviłasia. Abjekt užo vyklučany z handlovaha rejestra.
Pa infarmacyi OL, takoje rašeńnie moža być źviazana z tym, što ŭ apošni čas na Zybickaj stała mienš ludziej. Mnohija płaciežazdolnyja klijenty pracavali tam ža ŭ ofisach, chadzili ŭ kafe i restarany na abied, adpačyvali ŭ ich pa viečarach. I choć u ofisy pa bolšaj častcy zajechali novyja arandatary, prachodnaść ustanoŭ usio roŭna źniziłasia.
Ciapier pamiaškańnie, u jakim znachodziŭsia Malt & Hops, svabodnaje i zdajecca ŭ arendu. Jak raspavioŭ OL jaho ŭłaśnik, heta 423 kvadratnyja mietry, uvieś interjer, kamunikacyi i sistema videanazirańnia zastalisia ad papiaredniaha arandatara, akramia mebli i kuchonnaha abstalavańnia. Staŭka — €15 za «kvadrat», heta značyć, na miesiac arenda abydziecca ŭ €6345.
Pustuje ciapier i susiedniaje z Malt & Hops pamiaškańnie, u jakim raźmiaščaŭsia hastrabar «Les» (abjekt taksama vyklučany z handlovaha rejestra). Jaho płošča — 152 kv. mietraŭ, ułaśnik prapanuje jaho na Realt.by u arendu za 5700—9500 rubloŭ (€1900-3200).
Pobač raźmieščany bar «Čardak». Jon pakul pracuje, ale termin arendy zakančvajecca ŭ krasaviku, i ŭłaśnik miarkuje, što pamiaškańnie moža vyzvalicca. A na Realt.by užo źjaviłasia abjava ad TAA «Biuro haradskoj nieruchomaści» ab jaho arendzie: 180 kv. mietraŭ pa 54 rubli (€19) za «kvadrat» dajuć vynikovuju sumu amal €3500 na miesiac.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary
Śviata- karnavał dazvolennyj ..zhasaje
Na Kastryčnickaj pa vašiemu Oktiaboskaj paby ni zatrymlivajuca Ajci vaš ..iepam