Pakuryŭšy Barščeŭskaha pra deklaracyju Niezaležnickaha Błoku: «Heta manifest kalabaranctva, supracoŭnictva z režymam u «małych spravach», ja jak durań palez hladzieć Stratehiju ADS.
Pakuryŭšy Barščeŭskaha pra deklaracyju Niezaležnickaha Błoku: «Heta manifest kalabaranctva, supracoŭnictva z režymam u «małych spravach». I paśla, pakuryŭšy dvuboj Barščeŭskaha suprać Hubareviča: «Ale kali pryčytać dakumenty ADS, — jany značna bolš radykalnyja! Tam stavicca prablema źmieny ŭłady, što spačatku dla hetaha treba abjadnacca ŭsim (pravym, levym, sinim, zialonym), a potym možna vyrašać astatnija pytańni» — ja jak durań palez hladzieć Stratehiju ADS.
A tam!
«Pieramieny ŭ Biełarusi niepaźbiežnyja. Jany mohuć prajści ŭ kirunku kryzisu i paharšeńnia sacyjalna‑ekanamičnaha stanovišča ŭsich katehoryj nasielnictva Biełarusi abo prajści evalucyjnym šlacham u kirunku demakratyzacyi na asnovie ŭzhodnienych dziejańniaŭ demakratyčnych sił i ŭłady. My prapanujem hramadstvu i ŭładzie mienavita druhi varyjant. Jaho realizacyja zabiaśpiečyć tyja nieabchodnyja sacyjalnyja harantyi, što źjaŭlajucca abaviazkovaj umovaj pry praviadzieńni lubych palityčnych i ekanamičnych reformaŭ i stvoryć novyja mahčymaści dla ŭsich hramadzian. Hety šlach zabiaśpiečyć sacyjalny mir, harantujučy zachavańnie pravoŭ i svabodaŭ, u tym liku pravoŭ na ŭłasnaść, na svabodu sumleńnia i adsutnaść pieraśledu pa palityčnych matyvach.
U jakaści pieršaha kroku da svabodnych vybaraŭ u krainie ADS prapanujuć uładzie pačać kanstruktyŭny dyjałoh ź viadučymi palityčnymi i hramadskimi siłami Biełarusi. ADS ličać, što šlacham pieramovaŭ možna dasiahnuć kansalidacyi ŭsich zdarovych sił biełaruskaha hramadstva, nieabchodnaj dla zachavańnia sacyjalnaha spakoju i vyrašeńnia prablem, jakija isnujuć u krainie.
Z ulikam takich abstavinaŭ Abjadnanyja Demakratyčnyja Siły prapanujuć biełaruskamu hramadstvu vybrać šlach mirnaj evalucyi ad aŭtarytaryzmu da demakratyi. Mienavita taki šlach adpaviadaje čakańniam biełaruskaha naroda: hety šlach dazvolić zachavać usio pazityŭnaje, što było zroblena ŭ papiaredni pieryjad, i harantavać usim palapšeńnie situacyi ŭ budučyni.
ADS harantujuć elitam zachavańnie ich statusa i majomaści ŭ miežach demakratyčnych normaŭ. Udzieł elit u padrychtoŭcy i praviadzieńni reformaŭ dazvolić im umacavać svajo stanovišča.
ADS prapanujuć uładam supracoŭnictva ŭ pieraadoleńni ekanamičnaha, palityčnaha i sacyjalnaha kryzisu».
I finiš: «Važnym źjaŭlajecca toje, što, nahadvajučy pra nielehitymnaść sposabaŭ farmiravańnia isnaj ułady, demakratyčnyja siły nie patrabujuć jaje imhniennaj likvidacyi, prapanujučy šlach pastupovaj madernizacyi».
Charošaja stratehija. Dziejsnaja. I realizujecca ciapier niekatorymi. Čytajcie, pakul z sajta nie prybrali.
* * *
Lavon Barščeŭski — piedahoh, były staršynia Partyi BNF. Jury Čavusaŭ — juryst, aktyvist nacyjanalnaha ruchu.
Kamientary